Accessibility links

якшәмбе, 4 декабрь 2016, Казан вакыты 19:23

Bolğarstan Libiyäneñ totqın tabiblar cäzasın ciñeläytüen xupladı


Libyadañ 6 tabipni illärenä qaytaruların sorağan Bolgarstanga, AQŞ häm Yewropa Berlege dä quşıldı. Tabiblärneñ ülem cäzası ğömerlek törmä xökemenä alıştırılğan ide. Libya HİV/VİÇ virisü yoqtırılğan 400däñ artıq balanıñ ğailäsenä aqça tülänüe şartın iğlan itkännäñ soñ 1 fälestenle tabib belän 5 bolğar şäfqat tutaşınıñ cäzası ciñläytelde. Alar 1999nçı yıldañ birle törmädä utıra.

Sofia, Libya Yuğarı Mäxkämäseneñ kiçä iğlan itkän ciñeläytelgän hökem cäzasın xupladı. Bolgarstanıñ, totqınnarnı almaşu kileşünä tayanıp, tabiblärneñ qaytaruluın räsmi şartlarda taläp itäçäge kötelä. Libyanıñ bu xaqta kileşergä äzer buluı işaräläre kürenä.

Libya tışqı eşlär ministrılığı kiçä, ike il arasında qanuni häm säyäsi qısalarda kileşengän oçraqta, totqınnarnı Sofiaga qaytaru eşen qararğa riza bulğanıñbelderde.

Libya soñgı arada, üzendä totqan 6 tabibne azat itüe öçen zur basımğa duçar qaldı, Fransiäneñ Bolgarstanğı ilçese, Etienne de Poncins bu çaqırularğa quşıldı.

“Bez Libya xaqimiäten, tabiblär Bolgarstanğa kire qartarılmayınça, Libya belän Fransiä häm Libya belän Yewropa Berlege arasındağı mönäsäbätlärneñ ber niçektä yaxşıra almıyaçağın tağın ber kisätergä telebez.”

Bu çaqırularğa, Waşinton da quşıldı. Ul Libyanı 6 tabibne Bolgarstanga qaytarırğa çaqırdı. AQŞ däwlät departemantı süzçese Sean McCormack kiçä:

‘”Bezneñ qaraşıbız üzgärmäde. Anıñ ni ikäneñ beläsez inde. Bez şäfqat tutaşlarınıñ häm tabibneñ illärenä tiz arada qaytaruluına röxsät itelergä tiyeş dip ışanabız.”

HİV/VİÇ virüse yoqtırğan balalarnıñ ğailälärenä kompenzasiä tülänüe, tabiblärneñ illärenä kire qaytaruluı mömkinçelegen tağın da arttırdı dip äytep bula. Läkin aqça tüläw qararı alarnıñ gönahsız buluın däğwä itkän tabiblärneñ yaqınnarın açulandıra.

İvailo Nikolçovski, şäfqat tutaşlarnıñ berseneñ ulı, monı bolay añlata:

“Bik küp keşe añlap bitermi, äğär alar ğayepsez ikän nigä balalar ğailäsenä kompenzasiä aqçası tülänä. Härkem mondiy sorawnı biräçäk.”

Balalar ğailäläre süzçese İdriss Lağa, kompenzasiä aqçasın alğan ğailälärneñ, tabiblärne ülemgä xökem itelüe taläplärennäñ baş tartuların belderde.

Ul, ziyan kürgän här ber ğailägä, 1 Million Dollar aqça tülänüen äytä.

6 tabib üzläreneñ Aids awıruına kitergän HİV/VİÇ virüsen yoqtıruın tanu öçen cäberlängännären belderä. Alar belderelgän ğayepläwlärne tanimıy.
XS
SM
MD
LG