Accessibility links

Кайнар хәбәр

Tayyip Erdogan kem ul?


Törkiyä Premyer ministrı Recep Tayyip Erdoğan citäklägän partiyä, 22nçe Yül, kiçä bulğan Törkiyä saylawlarında qabat ciñep çıqtı. Ä bu partiyä citäkçese Tayyip Erdoğan, İslamçı fetnä çığaruda ğayeplänep törmädä utırğan, İstabulnıñ fäqir bistäsennäñ säyäsät tormışına ürelgän keşe,Xarizmatik häm ücätle citäkçeneñ ütkäne turında närsä beläbez?

53 yäşlek Erdoğan, xökümäte öçen qabat yaña möddät yawladı.

Erdoğan, xökümät başlığı känäfiyenä 2002nçe yılda çıqqan ide.

Saylawlar aldındınnañ yasağan çığışında ul,

Törkiyäneñ dönyäwi däwlätçelege häm könbatışqa qarağan säyäsätenä qarağan ber nindi dä üzgäreşlär bulmayaçağın wäğdä itte ul. Tışqı säyäsättä isä Yewropa Berlegenä quşulunı berençe maqsat itep üz köçendä qaldıraçağın belderde.

Erdoğan Yäkşämbe könge saylawlarda ciñüe bilgele bulğaç, ul Yewropa Berlege yaqlı säyäsi qaraşın bolay qabatlağan ide:

“Cömhüriätebezneñ zur ideallarınnañ berse bulğan Yewropa Berlegenä äğza bulu niätebezdä uñışqa ireşü öçen bez, eşebezne ğayrät belän däwam itäçäkbez. Bu awır eştä, millätebezneñ olı mänfäğatläre häm yañaru taläpläre bezgä yänä, yul-kürsätkeç bulaçaq.”

Erdoğan, 2004nçe yılda Gruziägä yasağan säfäre waqıtında, üz tamırlarınıñ Grüziädäñ buluın açıqlağan ide. Anıñ babaları Qaradiñgez yarındağı Rizä şähärenä Batumidäñ küçep kilgän bulğan.

Erdoğan, eşçe-ğailälär yäşi torğan İstanbulnıñ ber bistäsendä üsä. Waqıtında mäktäp aqçasın tülär öçen football klübında aqçağa tup ta uynıy, uramda simit-kümäç tä sata.

Erdoğan, Märmärä Universitetınıñ İqtisad häm İdaräçelek bülegenä kerer aldınnañ, İmam Xatip Liseyeñ tämamlağan bula.

1994nçe yılda, Milli Sälamät Partiasınnañ İstanbul Merlığına saylana. Erdoğan, İstanbulnıñ küp yıllar däwam itkän problemaların çişep üzen kürsätte. Läkin şul arada, 1998nçe yılda, xalıq aldında kürenekle ber şağirneñ şiğereñ uquğan öçen törmägä xökem itelde.

Erdoğan, säyäsät tormışınnañ baş tartmıy, qabat qaytqannañ soñ, partiyäse tarafınnañ Premyer bulıp bilgelände. Xalıq aldında osta itep söyläşä belüçe xarizmatik citäkçe Erdoğan, Törkiyäneñ iñ mäşhür säyäsätçelärdäñ berse. Anıñ xökümäte, distälägän yıl xärbilär tarafınnañ ber niçä tapqır töşerelgän, urtaq-xökümätlär tarafınnañ totırıqsızlıqqa äyländerelgän ilne yañadañ tärtipkä bastırıp-üz köçenä qaytardı. Häm şunıñ belän partianıñ abruyın kütärde.

Erdoğan şäxsi tormışında, islamça yäşärgä tırışa. Anıñ xatını, xökümät binalarında tıyılğan, islamça xicap-yawlıq bäyli. Ul, Törkiyädä mäktäplärdä yawlıq bäyläp yörü tıyılğan bulı säbäble, üz qızın çit ildä uqıtırğa mäcbür.
XS
SM
MD
LG