Accessibility links

якшәмбе, 4 декабрь 2016, Казан вакыты 23:25

Möxitne saqlawçılar fikerençä Angarskiy höcüme artında Rosatom tora


Bu yal könnärendä Angarskiyda, cirle ximik qorılmada atom-töş qaldıqları eşkärtelünä qarşılıq belderüçe möhit saqlawçılar lagerına höcüm buldı. Anıñ näticäsendä 20 yäşlek İlya Borodaenko hälaq buldı, tağın ber niçä yäş keşe yaralandı. “Ximik iminlek öçen” digän ictimaği oyışma bu höcümdä ekstremist xäräkätlärne häm Rusiäneñ rusiä atom ağentlığın ğayepli.

Tabiğatne bu höcüm esktremist xäräkätläreneñ uylanıp eşlägänğan ğämäle buldı, di. Tikşerü eşen alıp baruçılar, höcüm itüçelär yäşlärneñ äyberlären urlarğa telägän, dip bara. Atomğa qarşı xäräkät wäkilläre, “Azatlıq” sorawlarına cawap birep, urlarğa teläsälär, çatırlarğa ut törtep, lagernı tar-mar itmäsälär ide, didelär. “Ximik iminlek öçen” oyışmanıñ wäkile Lev Federov bu höcüm Rosatom ağentlığına faydalı bula ala di: “Çitlätep qarağanda, bu höcüm atom ministrlığına bik faydalı buldı. Monda natsilar kirägennän artıq tırışıp cibärde. İlya Borodaenkonı inde qaytarıp bulmıy, Naxodkan bulğan bezneñ yeğet ülde. Mondıy eşlär atom ministrlığınnan başqa başqarıla almawı, ap-açıq kürenä.” Anıñ äytüenä qarağanda möhit saqlawçılarğa moña qädär dä yanağannar, alarnıñ qulğa alınu oçraqları da bulğan. Lev Federov äytkänçä, atom tarmağındağı häm başqa ölkädäge citäkçelär dä, tabiğat saqlawçılarnıñ atom-töş qaldıqların Rusiägä kertüneñ zıyanı turında söyläwen telämägän. Rusiä atom energiäse bu eşne eşli, di Lev Federov.

Ximiägä qarş xäräkät wäkile süzlärençä, ekstremist radikal xäräkätlär belän Rusiä atom ministrlığı arasında bäyläneş bar, bu alarnıñ eş alımnarına bik oxşağan, di Lev Federov. Angarskiy qorılmasında atom qaldıqlarınıñ eşkärtelüenä qarşı protest belderüçe lagerğa bulğan höcümnän soñ, Rusiä atom ağentlığı belderüen tarattı. Anda, bez bu höcümgä şaqqattık, bez ülgän yeget ğailäseneñ qayğısın urtaqlaşabız, ağentlıq icitmaği oyışmalar belän xezmättäşlek itä häm bu eşne bik möhim dip sanıy, dielä.

Lev Federov şuşı belderü belän tanış, ul ağentlıqnıñ belderüendä äytlegän süzlär, yäğni Rostaomnıñ atom-töş qaldıqların kertüne tanımawı belän kileşmi, monı yalğan dip belderä. Möhitne saqlawçılar Angarskiydağı ximik qorılmanı bik qurqınıç, dip belderä. “Ximik İminlek öçen” oyışma başlığı Lev Federov şundıy misal kiterä, yul başında qorılmağa yaşen suqqan, näticiädä, yözär meñ tonna iñ qurqınıç atom-töş qaldırları saqlanğan kombinatta 3 säğät buyı ut bulmağan. Möhit saqlawçılar, ütkän yal könnärendä bulğan höcümgä qaramastan, qarşılıq çaraların däwam itärgä teli.

Bikä Timerova
XS
SM
MD
LG