Accessibility links

пәнҗешәмбе, 8 декабрь 2016, Казан вакыты 12:46

Yewropada qatı qızular can ala


Songı 60 yıldağı Angliädä bulğan iñ zur äfat dip atalğan, köçle yañğırlar häm su taşu belän küräşä. Yewropanıñ könçığışında isä, qızu hawa dulqınnarı xökem sörä. Macarstanda bulğan qatı qızu hawada 500läp keşeneñ wafat buluı belderelde. Romaniada isä wafat buluçılar sanı yaqınça 30. Yewropanıñ könyaq-könçığışıñ isä, urman yañgınnarı biläp aldı.

Yewropanıñ könyaq-könçığışında xökem sörgän rekord däräcädäge qatı qızulıqlarda, kiçä Romaniadä kimendä 12 keşe wafat bulğan.

Qızu hawada, elektrik tämin itkän iske stantsiälärnä küçäneç säbäble, ziyan kürä.

Buxaresttä yäşäğän, Maria Mihat:

“Xäzer inde ul xätli qızu tügel, kiçä kürsä idegez anı, iñ qızu waqıt ide. Öy eçendä 40 däräcä ide. Kiçke 8däñ irtänge 3lärgä qadär elektr bulmadı, şuña suitqıç caylanmaları eşlämäde .”

Makedoniädä çıqqan Urman yañgını belän küräşüdä, meñlägän keşe qatnaştı. Cirle xalıq, xezmätkärlär häm xarbilär yañgınnı ilneñ ikençe zur şähärenä küçermäs öçen bergä küräşkännär.

Macarstan Xaqimiäte, soñgı ber atnada däwam itkän qatı qızularda xälaq bulğannar sanıñ yaqınça 500 buluın açıqladı. Alarnıñ kübese xästä häm olı keşelär bulğan.

Qızu hawalarda Budepeşttäge urmannar da yanğan. Yañgın belän köräşüçelärdäñ berse, Antal Erdos, wazğiyätneñ ciddilegenä basım yasap bolay dide:

“Soñgı ber distä yıl eçendä Budapeşttä çıqqan iñ zur yañğınğa şahit bulğanbızdır möğayın.”

Serbiädä dä urman yañgırlarında küpkenä cir ziyan kürgän.

İtalyada da urman-yañğınnarı belän küräşü bara, yañğın 100lägän hektarlıq urmannı beterep 4 keşeneñ tormışın özgän.

Yunan däwlät xezmätkärläre, ildä 44 däräcädäñ aşqan çıdıyalmaslıq qızular waqıtında yağın çığu ixtimalına qarşı iğtibarnı köçäytkän. Athenada bügen qızu, 45 däräcägä citär dip isäblänä. Yuğarı dım häm pıçraq hawada şartlar awırlana barğanda suıtqıç caylanmaları elektrnı iñ küp sarıf itkän cihazlar.

Hawa torışı ğalimnäre qızularnıñ Pänceşämbe könnäñ başlap töşä başlıyaçağın belderä. Şul uq waqıtta yewropa qiytğasınıñ tönyaqkönbatış öleşe su basuları belän küreşä. Üzäk häm könyaq Britaniä soñğı 60 yıldağı iñ yaman su basuları belän iñ tegä.

Thames yılğasınıñ taşuı nätecäsendä, Yuğarı uqu yortı şähärçege bulğan Oxfort, su astında qaldı. Oxforttağı 2 meñläp xalıq bötän cirlärgä küçerelgän.

Britaniäneñ könyaq-könçığış Gloucestershireda, bu atna su taşuları näticäsendä 350 meñläp keşe eçe suınnañ mäxrüm qalğan. Severn yılğası taşuı säbäble Tewkesbury rayonıñ su qaplağan.

Xärbilär bu töbäklärdä şişälär belän su tarata başlağan.
XS
SM
MD
LG