Şuşı yıl başınnan Gazprom Belarusqa gaz bäyäsen ike tapqır arttırıp, meñ kub metrnı 100 dollarğa citkergän ide. Alay da, 1 Yüngä qädär bäyäneñ 55 protsentın ğına tüläp torırğa röxsät birde, läkin 23 Yülgä qädär bar burıçlarnı qaplap beterergä taläp itte. Minski monı eşlämäde. Näticädä anıñ Gazpromğa 460 million dollar burıçı cıyılğan. Gazprom şuşı burıç tülänmäsä 3 awgusttan Belarusqa gaz cibärüne 45 protsentqa kimetü belän yanağan ide.
Axır çiktä eş moña barıp citmäde. Minski burıçnıñ ber öleşen tülärgä qarar itkän. Monı bügen Mäskäwdä Gazprom wäkile Sergey Kupriyanov ta rasladı:
"Bügen Beltransgaz Gazpromğa bulğan burıçınıñ şaqtıy öleşen tüläde. Bez Belarasnıñ bu mäsäläne xäl itü tırışlığın küräbez. Şuña kürä bügengä çikläwlärne kertmäskä qarar itelde. Ber atna eçendä bez burıçnıñ tulısınça tülänüen kötäbez" dide Gazprom wäkile.
Belarus belän Gazprom arasındağı bäxäs Yewropa illärenä dä zıyan kiterergä mömkin digän şöbxälär tudırğan ide. Gazprom Yewropağa satqan gaznıñ ber öleşe Belraus aşa quıla.
Töp soraw xäzer – Lukaşenka ber atna eçendä burıçnıñ qalğan öleşen tüli alırmı-yuqmı.
Atnakiç könne Likaşenka 460 million dollar Belarus öçen zur aqça tügel, älbättä qaznabız beraz buşap qalaçaq, läkin bezñeñ Venesula prezidentı Hugo Çaves kebek duslarıbız bar, alar bezgä yaxşı şartlarda kredit birergä äzer, digän ide.
Venesuela kreditnı nindi şartlarda biräder, ämmä Rusiä täqdim itkän kreditnıñ şartı yılına 8,5% bulğan. Lukaşenka, bu Belarus öçen qabul itelerlek tügel, dip anı kire qaqtı.
Yaqın kürşeñ bulğançı, yıraq dustıñ bulsınçı, digändäy, Lukaşenka Mäskäwne gaznı qoral itep qullanuda, Belarusqa basım yasap, anıñ milegen üzläşterü niätendä ğayepläde. Lukaşenbka älege basımğa bireşmäyäçägen äytte:
"Soñğı waqıtta miña Kremlgä barıp tezlänergä kiräk digän işarälär yasala. Bälki kemder monı eşlär dä, min anda barıp tezlänergä cıyınmıym" dide Belarus prezidentı.
Bu Minski belän Mäskäw arasında gaz arqasında soñğı waqıtta inde öçençe bäxäs buldı. Qayber belgeçlär fikerençä, burıçlarnı tüläp beterü köne, kiläse comğa yaqınlaşqan sayın andıy ızğışlar qabatlanırğa mömkin.
ali ğilmi
Axır çiktä eş moña barıp citmäde. Minski burıçnıñ ber öleşen tülärgä qarar itkän. Monı bügen Mäskäwdä Gazprom wäkile Sergey Kupriyanov ta rasladı:
"Bügen Beltransgaz Gazpromğa bulğan burıçınıñ şaqtıy öleşen tüläde. Bez Belarasnıñ bu mäsäläne xäl itü tırışlığın küräbez. Şuña kürä bügengä çikläwlärne kertmäskä qarar itelde. Ber atna eçendä bez burıçnıñ tulısınça tülänüen kötäbez" dide Gazprom wäkile.
Belarus belän Gazprom arasındağı bäxäs Yewropa illärenä dä zıyan kiterergä mömkin digän şöbxälär tudırğan ide. Gazprom Yewropağa satqan gaznıñ ber öleşe Belraus aşa quıla.
Töp soraw xäzer – Lukaşenka ber atna eçendä burıçnıñ qalğan öleşen tüli alırmı-yuqmı.
Atnakiç könne Likaşenka 460 million dollar Belarus öçen zur aqça tügel, älbättä qaznabız beraz buşap qalaçaq, läkin bezñeñ Venesula prezidentı Hugo Çaves kebek duslarıbız bar, alar bezgä yaxşı şartlarda kredit birergä äzer, digän ide.
Venesuela kreditnı nindi şartlarda biräder, ämmä Rusiä täqdim itkän kreditnıñ şartı yılına 8,5% bulğan. Lukaşenka, bu Belarus öçen qabul itelerlek tügel, dip anı kire qaqtı.
Yaqın kürşeñ bulğançı, yıraq dustıñ bulsınçı, digändäy, Lukaşenka Mäskäwne gaznı qoral itep qullanuda, Belarusqa basım yasap, anıñ milegen üzläşterü niätendä ğayepläde. Lukaşenbka älege basımğa bireşmäyäçägen äytte:
"Soñğı waqıtta miña Kremlgä barıp tezlänergä kiräk digän işarälär yasala. Bälki kemder monı eşlär dä, min anda barıp tezlänergä cıyınmıym" dide Belarus prezidentı.
Bu Minski belän Mäskäw arasında gaz arqasında soñğı waqıtta inde öçençe bäxäs buldı. Qayber belgeçlär fikerençä, burıçlarnı tüläp beterü köne, kiläse comğa yaqınlaşqan sayın andıy ızğışlar qabatlanırğa mömkin.
ali ğilmi