Accessibility links

Кайнар хәбәр

Gruziä räsmiläre Rusiäne il cirlären utqa totuda ğäyepli


Gruziä bügen, Rusiädän kilgän oçqıçlar Gruziä ciren utqa tottı dip, Mäskäwne ğäyepläp çıqtı. Gruziä wäkilläre beldergänçä taşlanğan raketa şartlamağan, ququrız qırına kilep töşkän. Rusiä nindi bulsa oçış bulğanın kire qağa. Bu xäl ike il arasında bolay da äybät bulmagan mönäsäbätlärne tağı da kiskenläştergä mömkin.

Raketa töşkän gruzin awılı Tsitelubanida yäşäwçe keşe “Azatılq"nıñ Gruzin xezmätenä tübändägelärne söylägän ide.

"Oçqıç oçıp kilde dä raketasın taşladı. Bez kürgän häm işetkän äyber şul buldı – qatı tawış çıqtı, annan soñ oçqıç kire äylänep kitte. Ul tönyaqtan kilde, häm kire dä tönyaqqa taba oçıp kitte. Min aviatsiädä xezmät ittem häm bu höcüm oçqıçı buluın äytä alam. Läkin bu MİG buldımı ällä Sumı, ansın tögäl genä äytä almyım, bu bäxäsle cir. Raketa Gruziä belän Osetin awılları arasındağı ber crigä töşte."

Bu xäl bulğan awıl Tiflistan 65 km yıraqlıqta ğına urnaşqan. Häm Gruziäneñ möstäkillekkä omtıluçı Abxaziägä yaqın, berniçä kilometr ğına. Gruziä xakimiätläre dä Rusiä oçqıçnıñ kilüen rasladı. Alar anı agressiä kürsätü dip bäyläde. Eçke eşlär ministrılığı süzçese Shota Ustiashvili bu xaqta Reuters ağentlığına bolay dide

"Gruziä cirlärenä 6nçe avgustta cirle waqıt belän 19.30 2 oçıq ütep kerde. Alar Kazbegi tiräsendä çikne ütte, häm bezneñ radarlarıbız alarnıñ Kazbegidan kerep kire yunäleştäkä kitüen kürsätte."

Rusiä bu oçışlarnıñ buluın kirä qağa. Rusiäneñ xärbi hawa köçläre süzçese polkovnik Aleksandr Drobyshevsky, ber genä Rusiä oçqıçı da Gruziägä oçıp kermäde, dide. "Rusiä hawa xärbi köçläreneñ oçqıçları düşämbe köndez, kiç häm tönlä ul yünäleşkä oçmadı. Gruziä möstäqkil däwläteneñ çiklärenä ütep kermäde

Bu xäl Rusiä belän Gruziä arasındağı mönäsäbätlärne kire kierenke xälätenä qatrırğa mömkin. İke arasındağı mönäsäbätlär 2006 yılda bozıla başlagan ide. Ul waqıtta, Gruziä, 4 rusiä xärbien şpionlıqta gäyepläp ildän qudı. Rusiä üz çiratında Gruziägä qarşı iqtisadi çikläwlär kertte häm migratsiä qanunnarın bozuda ğäyepläp yözlägän gruzinnı ildän qudı. Monda Abhaziä belän Osetiä faktorları da üz täesiren yasadı. Gruziä mostäkillekkä omtıluçı Abhaziäne Mäskäw ometländerep tora, dip belderep kilde. Mäskäw bu süzlären kire qaqtı. Gruziä räsmiläre Rusiä oçıqıçları ilgä hawa çigennän qanunsız ütep kerä, dip Mäskäwne daimi ğäyepläp tora. 2002 yılda Gruziä Rusiäne tönyaq könçığış töbäkkä bomba taşlawda ğäyeplägän ide. Elegräk Tiflis Rusiä boralaqları Kodor tarlawğı tiräsendäge cirne utqa tottı dip belderde. Läkin yaña çıqqan Yevropa Berlege xisabında ul atışlarnıñ kem tarafınnan yasaluı tögäl bilgele tügel dip äytelä.
XS
SM
MD
LG