Peterburda ütkän bu mäxkämä qararın küptän tügel şul uq şähärdä üterelgän tatar yegete Damir Zaynullinnıñ tuğannarı, yaqınnarı da iğtibar belän küzätkänder.
İsegezgä töşeräm, 2005 yılnıñ Noyäberendä rasaçılıqqa qarşı xäräkät aktivistı 20 yäşlek Timur Kaçarava häm anıñ dustı Maksim Zgibaiğa Peterbur üzägendäge ber kitap kiebete yanında ber törkem yäşüsmer höcüm itkän ide. Timur pıçaq cäräxätlärennän urında ülde, Maksim küp cäräxätlär alıp, baş mie selkensä dä, isän qaldı.
Sişämbedä Peterbur mäxkämäse 7 yäşüsmergä xökem çığardı. Töp ğäyeplänüçe 14 yäşlek Aleksandr Şabalinğa 12 yıl törmä birelde. Qalğannarına 2-dän alıp 3 yılğa qädär, şul isäptän 3-senä – şartlı räweştä.
Mäskäwdäge Keşe xoquqları üzäge başlığı Aleksandr Brod bu qararnı döres yünäleştäge adım dip sanıy:
"Tulayım alğanda, bu ğädel qarar. Mäxkämälär Rusiädä faşizmnıñ qurqınıçın aqrınlap añlıy başlıy. Bezneñçä, bu ksenofobiä, neofaşizm küreneşlärenä qarşı prokuratura häm mäxkämä xakimiäte iñ qırıs çaralar kürergä tieş" dide Aleksandr Brod.
Millät-ara näfrät nigezendä başqarılğan cinayätlärgä Rusiä xakimiätläre ozaq waqıt küz yomıp, andıy höcümnärne ğadi xuliganlıq dip bäyäläp kilde.
Qayber xoquq yaqlawçılar fikerençä, xäzer wazğiät beraz üzgärä. Putinnıñ ekstremizmnı bastıru wäğdäse, ber yaqtan başqaça fiker yörtüne bastıruğa yul açsa, ikençe yaqtan mäxkämälärne rasaçalıqqa qarşı köräştä qatıraq çaralarğa öndi ala.
Ämmä şul uq waqıtta, bügenge qarar belän ğänäğät bulmawçılar da bar:
"Üterüdä ğäyepläw ber genä keşegä belderelä. Cinäyätne oyıştıruçı, ruxlandıruçı isä totılmağan. Bu tendensiä. Xakimiät oyışqan, törkemle üterülärne tanırğa telämi. Monı yarım-aqıllı ber yäşüsmer eşe itep kürsätü qulayraq" dide Kaçarava ğailäsen yaqlawçı advokat Olga Tseytlina.
Alay da, xoquq yaqlawçılar bügenge qarar Rusiädä millät-ara näfrät nigezendä başqarılğan cinayätlär sanın beraz bulsa da kimeter, dip ömetlänä.
Rusiäneñ Sova oyışması mäğlümätenä qarağanda, şuşı yılnıñ 7 ayında millät-ara näfrät nigezendä 37 keşe üterelgän. Uzğan yılnıñ 7 ayı belän çağıştırğanda 22%-qa kübräk.
Uzğan atna Rusiäneñ möftilär şurası räise Rawil xäzrät Ğäynetdin, Damir Zäynullinnıñ änise belän oçraşudan soñ, Azatlıqqa birgän äñgämäsendä Rusiä räsmilären rasaçalıqqa qarşı çaralar kürergä çaqırdı.
ali ğilmi
İsegezgä töşeräm, 2005 yılnıñ Noyäberendä rasaçılıqqa qarşı xäräkät aktivistı 20 yäşlek Timur Kaçarava häm anıñ dustı Maksim Zgibaiğa Peterbur üzägendäge ber kitap kiebete yanında ber törkem yäşüsmer höcüm itkän ide. Timur pıçaq cäräxätlärennän urında ülde, Maksim küp cäräxätlär alıp, baş mie selkensä dä, isän qaldı.
Sişämbedä Peterbur mäxkämäse 7 yäşüsmergä xökem çığardı. Töp ğäyeplänüçe 14 yäşlek Aleksandr Şabalinğa 12 yıl törmä birelde. Qalğannarına 2-dän alıp 3 yılğa qädär, şul isäptän 3-senä – şartlı räweştä.
Mäskäwdäge Keşe xoquqları üzäge başlığı Aleksandr Brod bu qararnı döres yünäleştäge adım dip sanıy:
"Tulayım alğanda, bu ğädel qarar. Mäxkämälär Rusiädä faşizmnıñ qurqınıçın aqrınlap añlıy başlıy. Bezneñçä, bu ksenofobiä, neofaşizm küreneşlärenä qarşı prokuratura häm mäxkämä xakimiäte iñ qırıs çaralar kürergä tieş" dide Aleksandr Brod.
Millät-ara näfrät nigezendä başqarılğan cinayätlärgä Rusiä xakimiätläre ozaq waqıt küz yomıp, andıy höcümnärne ğadi xuliganlıq dip bäyäläp kilde.
Qayber xoquq yaqlawçılar fikerençä, xäzer wazğiät beraz üzgärä. Putinnıñ ekstremizmnı bastıru wäğdäse, ber yaqtan başqaça fiker yörtüne bastıruğa yul açsa, ikençe yaqtan mäxkämälärne rasaçalıqqa qarşı köräştä qatıraq çaralarğa öndi ala.
Ämmä şul uq waqıtta, bügenge qarar belän ğänäğät bulmawçılar da bar:
"Üterüdä ğäyepläw ber genä keşegä belderelä. Cinäyätne oyıştıruçı, ruxlandıruçı isä totılmağan. Bu tendensiä. Xakimiät oyışqan, törkemle üterülärne tanırğa telämi. Monı yarım-aqıllı ber yäşüsmer eşe itep kürsätü qulayraq" dide Kaçarava ğailäsen yaqlawçı advokat Olga Tseytlina.
Alay da, xoquq yaqlawçılar bügenge qarar Rusiädä millät-ara näfrät nigezendä başqarılğan cinayätlär sanın beraz bulsa da kimeter, dip ömetlänä.
Rusiäneñ Sova oyışması mäğlümätenä qarağanda, şuşı yılnıñ 7 ayında millät-ara näfrät nigezendä 37 keşe üterelgän. Uzğan yılnıñ 7 ayı belän çağıştırğanda 22%-qa kübräk.
Uzğan atna Rusiäneñ möftilär şurası räise Rawil xäzrät Ğäynetdin, Damir Zäynullinnıñ änise belän oçraşudan soñ, Azatlıqqa birgän äñgämäsendä Rusiä räsmilären rasaçalıqqa qarşı çaralar kürergä çaqırdı.
ali ğilmi