Accessibility links

җомга, 9 декабрь 2016, Казан вакыты 16:43

Ankarada susızlıq


2007-nçe yılda bigrәktә urta hem kөnbatış Anantoliәdә yawımnıñ bulmawı arqılı Tөrkiәneñ өç zur şәhәre Ankara, İstanbul hem İzmirdә sussızlıq bulaçagı niçә aylardan elek әytelep kilә ide. Әytelgәnnәr dөres bulıp ta çıqtı. Gazetalar, televiziәlәr şuşı өç şәhәrneñ buğalarında ni xәtle su qalğan buluwın belderep kildelәr. Ankara bugalarında totılğan sunıñ miqdarı 10 % astına tөşkәç inde ike kөn aralaş qına su birelә başlandı. Şundıy çaralar kürelә başlağaç bu atnada Ankarada ike zur su ütkәrgeçe şartlap ber ike rayonnı su bastı. Sәbәbe iskergәn trubalarğa kinәttәn basımlı su birelgәç alarnıŋ bu basımğa çıdıy almıyça şartlauları. Tabiği sussızlıqtan intekkәn Ankara xalqı meñlәgәn liter sunıñ buşqa ağıp kitüen kürgәç açuınnan qotırdı.



Ankara bөyek şәhәr başlığı, yәğni mer Melih Gөkçәk ber ike kөn jurnalistlar aldına çığmıyça mataşsa da soñında “Dәwlәt Su Eşlәre (DSE) Oyışmasınnan bezgә aldan kisәtü kilmәde” dip cawaplılıqnı üz өstennәn taşlarğa tırıştı. DSE oyışmasınıñŋ elekke citәkçese Veysel Eroğlu bez bu turıda meriәne 2002 hәm 2004-nçe yıllarda kisәtkәn idek” dip belderde. Dөres saylaw belәn eş başına kilgәn merlar xalıqnıñ üz küze belәn kürmәyәçәk su trupaları kebek cir astındağı tөzeleşlәrgә kirәge aqça salırğa yaratmıylar. Ankara mere Melih Gөkçek tә şulay eşlәgәn, ul yullar tөzede, transport çeltәren yaxşırttı, әmma şәhәrneñ sussız qalaçağın uylarga telәmәde. Tege yaqtan barlıq şuşı cir өstendәge strukturanı yaxşırtu eşlәre өçen baytaq burıçqa da çumdı. Inde xәzer Ankaradan 200 km. yıraqlıqtağı ber yılğadan su kitertü өçen ütkәrgeçlәr salına başlandı, әmma bu proyetnıñ tәmamlanuı өçen baytaq waqıt kirәk. Şul arada isә xalıq susızlıq belәn kөrәşergә, üzenә kürә çaralar tabarğa tiyeş.



Şuşı çaralarnıñ berençese bularaq өylәrdә iñ zurı yartı tonnalıq su totılğan su saqlağıç depolar satıp alu buldı. Tabiği monı alalmağannar da bar. Asılda Ankaranıñ qayber rayonnarına 2 kөn genә tügel xәtta dürt kөn buylap ta su birelmәgәn. Tabiplar sussızlıqnıñ dizenteriaga yul açu qurqınıçına işarә itәlәr.



Cumhuriәt gazetası Ankarada ber tөzü şirkәte xucasınıñ üz qoyısınnan çıqqan sunı irtәnge 8 belә kiçke 12-gә xәtle buşqa xalıqqa taratuı turında yaza. Lәkin bu sunıñŋ eçәrdi dәrәcәdә taza bulmawı әytelә. Әmma xalıq çarasız bulğaç şuşı sunı da çiratta kөtep ala.



İnde Ankarada Gazi belәn Hacettepe kebek zur universitet xastaxanәlәrenә su tankerları aşa kiterelgәn sunıñ citmәwe arqılı, infektsiә qurqınıçı artqaç, xastaxanәlәrgә xastalardan başqa kemne dә kertmi başladılar, aşığıç bulmağan operatsiәlәr kiçekterelde.



4,5 millon xalıq yәşәgәn başqala Ankara 21-nçe yөzdә asılda mәsxәrә xәlgә tөşte. Xakimiәttәge AK partiә ağzası bөyek şәhәr bәlәdiyәse başlığı Melih Gөkçәkkә xalıq bik açulı. Avropa da bulsa ide mondıy ber şәxes urnınnan çigener ide dip әytüçelәr bar.



Şuşı sussızlıqqa texnik çaralar citmәgәç, ruxani çaralar ezlәnә başlandı. Ankara mөftilege comğa kөnne, yәğni Miraç kiçәsendә barlıq mәsçetlәrdә yanğır yawdıru өçen doğa uqılaçağın iğlan itte. Bu da qayber diskussiәlәrgә yul açtı. AQŞ-ta yәşәwçe Fäthulla Gülen televizә programaları aşa yanğır өçen doğa qıluçılarnı kürsәtep şow yasıylar, bu dөres tügel dip belderde. Ul bu eşneñ küñel ixlas belәn eşlәnüwe şart dide. Üzeneñ da AQŞ-ta qorğaqlıq bulğaç yañğır yawdırğan buluwın dәğvә itte. İnde yañğır doğaları sussızlıqqa çara bulaçaqmı, kürәçәkbez.



Ozaqlamıy İstanbul belәn İzmirdә dә Ankaradağı kebek sussızlıq başlanaçaq dip kөtelә. Xalıq isә citәkçelәrdәn sıltaw tügel, çara kөtә.

İstanbul, Әxtәm İbrahim

XS
SM
MD
LG