Accessibility links

якшәмбе, 4 декабрь 2016, Казан вакыты 21:42

Törkiä Böyek Millәt Mәcleseneñ yaña rәise Köksal Toptan


Tөrkiәdәge küptәn tügel genә ütkәrelgәn parlament saylawlarında birelgәn tawışlarnıñ 47 protsentın otıp, 550 urınlı Millәt Mәclesendә 341 deputat urın aluğa ireşkәn AK partiәneñ aldında ike mөhim mәsәlә tora ide. Berençese TBMM-neñ rәisen saylaw ide. İkençese qatmarlıraq prezidentnı saylaw. Inde AK Partiә Millәt Mәclese rәislege, yәğni spikerlek postına Kөksal Toptanı saylata alu uñışına ireşte. Ul yaxşı kandidat dip qabul itelde, çөnki radikal islamçı ağımnan kilmәgәn hәm bөgelüçәn sәyәsәt alıp baruwı belәn tanılğan bulu sәbәple küpçelekneñ yaqlawına ireşep berence turda saylandı.



Kem ul Kөksal Toptan?



1943-nçe yılda Qaradiñgez yar şәhәre Rizedә tuğan Toptan berençe mәrtәbә 1977-nçe yılda Sөlәyman Dәmirәlneñ Ğәdellek Partiәsennәn deputat itep saylandı hәm xөkümәttә dәülәt ministere itep bilgelәnde. 1980-nçe yılğa xәrbi putçtan soñ isemen Dөres Yul Partiәsenә almaştırğan partiәdәn 17,18,19 hәm 20-nçe Millәt Mәcleslәrenә dә deputat itep saylandı. Şuşı waqıtlarda ul Mәğarif hәm Mәdәniәt ministerleklәre postların da bilәde. 2002-nçe yılğı parlament saylawlarında isә AK partiә citәkçese Tayyip Erdoğannıñ çaqıruı buyınça şuşı partiәdәn kandidat buldı hәm deputat saylandı. AK partiә ütkәn ay azağında ütkәrelgәn saylawlardan zur radikal dinçe әytemnәrdәn yıraq üzәk ber partiәgә әwerelgәn buluın kürsәtü tırışlığına menә yağımlı politikant Kөksal Toptannı parlament spikerlege postına kiterep başladı. Toptan üze saylaw aldında barlıq partiәlәrgә vizit yasap üzen yaqlawların soradı. CXP, DSP çitәkçelәre anı maqtadılar. Kөrtlәrneñŋ Demokrat Cәmğiәt Partiәse çitәkçese Ahmet Türk anı yaqlawın әytte. Köksal Toptan üzlәre dә ber kandidat çığarğan buluğa qaramastan MXP-senә dә vizit yasadı.



TBMM rәislege postına saylawlar yәşeren rәweştә ütkәrelde. Näticәdә Kөksal Toptan 535 deputanıñŋ 450-seneñŋ, yәğni zur küpçelekneñŋ yaqlawına ireşep saylandı.



AK partiә şulay itep berençe kirtәne zur uñış belәn uzdı. Toptandan elekke rәis Bülent Arınç yış qına bitaraflığın bozğanı öçen bigrәktә oppozitsiәneñ rizasızlığına duçar bulıp kilgәn ide.



Inde AK partiә aldında zurıraq ber sınav tora. Ul da bulsa yaña prezidentnı saylaw. Monnan elek tışqı eşlәr ministere Abdullah Gülne kandidat itep kürsәtkәç sәyәsi krizis çığıp, waqıtınnan elek parlament saylawları ütkәrelgәn ide. Xәzer AK partiә qabat anı prezidentlıq postına kandidat itep kürsәtsә tınıçsızlıq xasıyl bulaçaq dip kөtelә. MXP dә, monnan elek CXP hәm Törek Qorallı Kөçlәre kebek prezidentlıq postına ilneñ rejimına turılıqlı bulaçağına hiç ber şik qaldırmayaçaq ber keşe kilergә tiyeş dip belderde. Xәzer sәyәsi küzәtüçelәr şuşı tәrәqqiәtne kөtәlәr.

İstanbul, Әxtәm İbrahim

XS
SM
MD
LG