Accessibility links

шимбә, 10 декабрь 2016, Казан вакыты 23:33

Paqstanda ğadättäñ tış xäl iğlan itelü ixtimalı


Paqstannañ kilgän xäbärlärgä qarağanda, Däwlät Prezidentı Pärwäz Möşärräf ildä ğadättäñ tış xäl iğlan itü qararı turında uyli. Säbäbe isä, soñgı waqıtta Äfğanstanğa yaqın qabilä cirlärendäge däwlät iminlegendäge totırıqsızlıqlar häm ğadi xalıqnıñ qulğa alunuı mäsäläläre bäyle dip añlatıla. Läkin tänqitçelär, eşneñ cirle säyäsät belän bäyle buluın äytä, qısqaça äytkändä, Prezident saylawları aldınnañ, oppozitsiäne awızlıqlap, Möşärräfneñ üz urınıñ saqlap qalu teläge tora.

Uzğan tön, Paqstan İminlek köçlärenä, İslamabad şähäreneñ möhim urınnarına barıp urnaşırğa ämer birelgän.

İngliz telendä çıqqan Dawn gazetası, xärbilärdäñ tış küzätü organnarı belän polisiäneñ dä, İslamad häm Rawalpindi şähärlärendä çaralar kürergä äzer buluı xaqında belderä.

Prezident Pärwäz Möşärräf, bügen yuğarı kiñäşçelär belän, maxsus utırış oyıştırıp, räsmilär belderüençä “ilgä yanağan eçke häm tışqı qurqınıçlar” xaqında söyläşkän.

Paqstan soñgı ber ayda, arta barğan köç qullanu oçraqları belän küräşä, häm bu Möşärräf citäkçelegen könnäñ kön qaqşata. Küptän tügel, Xärbilärneñ Qızıl Mäçetkä yasağan höcümendä, küpkenä möselman suğışçılar hälaq bulğan ide, bu xäl isä kiläçäktä redikallarnıñ hökümätkä qarşı bulğan açuların tağında arttıraçaq dip farazlana. Säyäsi belgeçlär, Qızıl Mäçet waqıyğaları Möşärräfneñ, möselmannar aldındağı abruyına zur orın yasadı dip farazliy.

Eçke mäsälälär yanında, Paqstannı tıştan yanağan qurqınıçlar da borçıy. Bigräktä Äfğanstan çigendäge, Äl-Qaidä citäkçeläre häm Taliban suğışçıları sıyına dip farazlanğan qabilä cirlärendä, barğan bäreleşlär.Xärbilär bu mäsälädä, AQŞnıñ borçuluların tınıçlandırır öçen, çaralar kürsä dä, älegä bu xärbilär ülemennäñ başqa näticä kitermäde.

İlgä yanağan eçke häm tışqı qurqınıçlar bäräbärendä, Prezident Möşärräfne borçığan qurqınıçlar da bar. Kiñ taralğan fiker berse, Möşärräfne ildäge totırıqsızlıqtañ kübräk, bu wazifada qalu eşe qayğırta. Üktabr urtalarında bulaçaq Prezident saylawlarında, oppozitsiä qurqınıç tudıra. Alar anıñ tağın Przidentkä saylanuına qarşı. Lahordağı säyäsi belgeç, Hasan Askari bu wazğiyätne bolay analizli.

"Minem uylawımça, bu mäsälä anıñ yañadan saylanası kilügä bäyle. ğadättäñ tış xäl kertü qabilä cirlärendä Talibannı kontrol astına totuğa ber qatnaşı yuq. Ul, Möşärräfkä qarşı bulğan säyäsi çaralar bulğan noqtalarğa yönälderelgän häm bu küzätü xökümätkä, Säyäsi qarşılıq fetnäläre ixtimalın yuq itü öçen mömkinlik birä."

Paqstanda Prezident saylawları Üktäbrgä belgelängän, annañ soñ yıl axırında isä Parlament saylawları bulır dip kötelä.
XS
SM
MD
LG