Accessibility links

чәршәмбе, 7 декабрь 2016, Казан вакыты 15:26

Qaddafineñ ulı, 6 Tabibne cäzalanuın tanıdı


Qaddafineñ ulı sürpriz belderü yasap, 8 yıl törmägä hökem itelgän 5 Bolgar şäfqat totaşı häm ber Fälestinle tabibneñ törmädä cäzalanuın tanıdı. Säyfel İslam Qaddafi, monı äl-Cäzerä kanalındağı äñgemäsendä äytte.

24nçe Yüldä, 6 tabibneñ azat iteüe häm Libiä belän Yewropa Berlege arasındağı kileşüdäñ soñ, saq astında totılğan tabiblärgä köç qullanuluı xaqındağı imeş-mimeşlär kön yaqtısına çıga başladı.

Bolgar watandaşlığı birelgän, fälestinle tabib Aşraf älHazouz ğayepläwlärgä qarşı iñ küp tawış kütärgännärdäñ ide. Ul, Libiä xaqimiäteneñ tabiblärgä haywan möğamäläsendä toruın añlatqan ide. Cäzalawlar arasında, qıynaw, elektrik şokı cibärü, östlärenä etlär cibärü, köçläw kebek qurqutılar yasalğan.



Bolarnıñ barsıda, Libiälı balalarğa HİV virüsen yoqtırğannarın tanıtu öçen eşlängän dip farazlana.

Yewropalı Citäkçelär, tabiblärneñ azat itelüennäñ soñ Muammar Qaddafiğa mädxiyä äytep, yaqın mönäsäbätlät buldırırğa, äl-Houzuznıñ ğayepläläreñ tınıçlandırırğa wäğdä itkännär ide.

Tabiblär azat itelgän könne, Yewropa Şurası başlığı Jose Manual Barosso, azat itüeneñ uñay näticäse, Libiä belän Yewropa Berlege belän mönäsätläre tulısınça yaxşırır dip beldergän ide.

“Min Libiä belän Yewropa berlege arasındagı mönäbätneñ yaxşıraçağına ışandırdım. Min ägär dä bu eş xäl itelsä, mönäsäbätne yaxşırtu öçen böten ğamällärne qılırğa äzer bulğanıbıznı belderdem. Bu älbättä Libiänıñ da, Yewropa berlegeneñ faydasına bulaçaq. Ul ğına da tügel bu, Yewropa Berlege belän Ğaräp İslam dönyası arasındağı mönäsäbätlärne dä yaxşırtaçaq.”

Qaddafineñ ulı äl-Cäzerädä, äl-Houzuznıñ belderüen tanuıñ äytü bu atnıñ kötelmägän waqıyğası ide.

Ul, Äye, tabiblar elektrik belän cäzalandı häm alarnıñ ğäiläläredä bu cäzağa duçar bulaçaq dip qurqutılldı dip äytte, TV-äñgämäsendä.

Qaddafineñ ulı, monıñ öçen ğafu ütenmäde, tulı mäğlümatta birmäde. Barı tik äl-Houzuznıñ ğayepläwläreneñ qaysı berläre döres bulmawın äytte.

Qaddafi belderüenä Yewropalı Citäkçelärdäñ älegä cäwap yuq. Läkin bu anıñ Yewropanı berençe tapqır uñaysız xälgä saluı tügel.

Tabiblar azat itelgännäñ soñ, Sarkozy bir nindi dä Fidyä aqçası tülänmägäneñ beldergän ide.

Bu atna Newsweek jurnalında çıqqan äñgemädä isä, Säyfäl İslam Qaddafi, Libiäğa, xästäxanälärne yañartu öçen 300 million Euro aqça tülänüen, moña östäp 400 million Euronıñ isä HİV qorbannarna aqça berülüen äytte. Häm ul, Fransiäneñ, Libiäğa iñ zur häm qiymmät - atom stantsiäse sataçağın beldergän ide.

Bu birelgän aqça şantaj ide me, digän sorawğa, ul, äye bu şantaj, här kem üz mänfäğatlären qayğırta dip cäwap birgän ide.

Qaddafineñ mondıy belderü yasarğa närsä etärgeç buldı, bu bilgesez. Bu Könbatış belän aranı yaxşırtırğa telägändä, tomannarnı taratu niäteme ide? Sarkozyne awır xäldä qaldıru öçen isäblängän uyınmı? Ällä yäş Qaddafidä ätese kebek säer keşe me? Bik küp farazlap sanap ütärgä bulsa da, bu älegä mäğlüm tügel. Läkin ber närsä bar, bu belderü Yewropanı bik uñaysız xälgä quya.
XS
SM
MD
LG