Stanford Universitında tikşerülärdä qatnaşqan keşelärgä – Britan kompozitorı William Boyce muzıkasın tıñlağannar, bezneñçä äytsäk – bu Sälix Säydaşev yäki Färid Yarullin belän çağıştırırlıq tanılğan kompozitor. Keşelärneñ baş milären muzıka uynağanda, häm tuqtağaç küzätkännär. Köyne tuqtatqan arada – keşelärneñ baş mieneñ iğtibar häm konsentrasiä öçen cawaplı küzänäkläre tağın da nığraq eşli başlağan. Bu – keşeneñ muzıka beleme bulu-bulmawğa qaramıy ikän.. Muzıkanıñ keşe sälämätlegenä häm köndälek tormışına yoğıntısı borıñğı zamannardan birle bilgele ide. Söyläm tele dä bulmağan qabilälärdä keşelär elek ber berse belän cırlap aralaşqan, änilär ğömer buyı balaların bişek cırı cırlap tibrätkän, xalıqnı cıyar öçen häm nindi bulsa çarağa kütärer öçen marşlar uylap tabılğan...
änilär häm bäbilär digännän, Braziliä tabipları – änilär yanında bala tapqanda yaqın keşese bulsa – ikeseneñ dä sälämätlegenä fayda bik zur, dip belderä. Häm biredä ruxi yardäm turında ğına süz barmıy. Braziäliäneñ Santa Catarina federal universitetı uzdırğan tikşerüdä 212 xatın-qız qatnaşqan. Alarnıñ yartısı yanında – bala tapqanda ire, änise yä tuğanı bulğan. Şularnıñ yartısında bäbilär tuğaç ta dönyağa awaz salğan, eçtä qalğan sular belän tonçıqmağan. Yanında yaqın keşese bulğaç tabiplar da ana keşene yaxşıraq qarağan häm iğtibarlıraq bulğan, dip xäbär itä tikşerüne uzdıruçı ğalimnär. Bu näticälär – dönyada bala tapqanda xatın-qızlar yanına balanıñ ätisen yä tuğannarın kertergä röxsät itmägän illär öçen sabaq bulır häm bala tabuçı xatın-qızlar xoquqların xörmät itä başlawğa nigez salır , dip ömetlänä belgeçlär.
ätilär digännän, uzğan tapşırularıbızda ätilär häm bäbilär turında söyläşä başlağan idek, xörmätle tıñlawçılar... ätilär balaların niçek tärbiäli, äti keşe balağa qaysı yäştä iñ kiräk? Ä ğailädä äni bulmasa?
Yalğız ätilär turndağı tapşırunı sezneñ iğtibarğa 21 avgust könne Azatlıqnıñ xatın-qızlar säxifäsendä täqdim iterbez.
änilär häm bäbilär digännän, Braziliä tabipları – änilär yanında bala tapqanda yaqın keşese bulsa – ikeseneñ dä sälämätlegenä fayda bik zur, dip belderä. Häm biredä ruxi yardäm turında ğına süz barmıy. Braziäliäneñ Santa Catarina federal universitetı uzdırğan tikşerüdä 212 xatın-qız qatnaşqan. Alarnıñ yartısı yanında – bala tapqanda ire, änise yä tuğanı bulğan. Şularnıñ yartısında bäbilär tuğaç ta dönyağa awaz salğan, eçtä qalğan sular belän tonçıqmağan. Yanında yaqın keşese bulğaç tabiplar da ana keşene yaxşıraq qarağan häm iğtibarlıraq bulğan, dip xäbär itä tikşerüne uzdıruçı ğalimnär. Bu näticälär – dönyada bala tapqanda xatın-qızlar yanına balanıñ ätisen yä tuğannarın kertergä röxsät itmägän illär öçen sabaq bulır häm bala tabuçı xatın-qızlar xoquqların xörmät itä başlawğa nigez salır , dip ömetlänä belgeçlär.
ätilär digännän, uzğan tapşırularıbızda ätilär häm bäbilär turında söyläşä başlağan idek, xörmätle tıñlawçılar... ätilär balaların niçek tärbiäli, äti keşe balağa qaysı yäştä iñ kiräk? Ä ğailädä äni bulmasa?
Yalğız ätilär turndağı tapşırunı sezneñ iğtibarğa 21 avgust könne Azatlıqnıñ xatın-qızlar säxifäsendä täqdim iterbez.