Accessibility links

пәнҗешәмбе, 8 декабрь 2016, Казан вакыты 19:19

AQŞ: Ğiraq premyer ministrına qarata qänäğätsezlek arta


Soñgı arada kinät kenä, Amerika üzen Ğiraq Premyer Ministrı Nuri Äl-Malikidäñ çittä tota başladı digän işarälär kürenä başladı. Amerikan senatınıñ qorallı köçlär komititı başlığı, küptän tügel, Al-Maliqineñ yä wazifadañ kitäçäge yäisä anıñ urnı başqası belän alıştıralaçağın beldergän ide. Sişämbe köne, Amerikanıñ Ğiraqtağı ilçese, Ğiraqtağı säyäsi üseşneñ bulmawına borçıluın beldergän ide. Xättä Prezident Bush ta, Äl-Maliqine maqtaw ğadätläreñ taşladı.

Ğiraq Premyerı Nuri äl-Maliqı, soñgı waqıtta Amerikanıñ säyäsi yaqlawın yuğalta şikelle.

Amerika Prezidentı George Bush, Canadanıñ Ottowa şähärendä uzğan, Tönyaq Amerika Cıyınıñda yasağan çığışında, üzen äl-Maliqini maqtawdañ tıyıp, Ğiraq Xökümätenä qarata bulğan borçılularğa basım yasadı.

"Töp soraw şundaki, xökümät xalıqnıñ taläplärenä cäwap birä alamı? Ägär dä xökümät xalıqnıñ taläplärenä cäwap birä almiy ikän, xökümätne alıştırırğa keräk. Bu Ğiraq xalqınıñ üz qararı, Amerikan säyäçätläreneke tügel"

Amerikan senatasınıñ qorallı köçlär komititıbaşlığı, Carl Levin, Ğiraqtañ qaytqaç, “zur uñışsızlıq” dip bäyälägän Maliqi Xökümäte, yañası belän alıştırunı sorağan ide.

Sişämbe könne, Amerikanın Ğiraqtağı ilçese dä, Ğiraqtağı säyäsi üseşneñ uñışsız buluına borçılu beldergän ide.

Bolar barsıda, Crocker häm Ğiraqtağı Amerikan köçläre başlığı Genaral David Petrausnıñ, Ğiraqtağı täraqqiyät xaqında xisab birü aldınnañ yañgırawdı. Waşiñtonnañ säyäsi üzgäreşlär kertergä säbäb bula ala.

Mostafa Alani, Dubaidäge Farsi qultığı tikşerenülär üzägeneñ Saqlanu häm Terrorçılıq öyränüläre bülege başlığı. Ul, Amerikanıñ äl-Maliqidäñ qanäğat bulmawına yaxşı säbäblär tabıp bula di,

"Bu xaqta bez ber yıldır söyläşäbez inde. Ul säyäsi reformalar buldıra almadı häm şul uq waqıtta AQŞ mänfağatlären aqlami. Xäzer Amerikanı anı, ildä tärtep buldıru öçen tırışmi dip uyliy. Häm ul qorallı köçlärne beterü eşendä bik zağiyf. Anıñ qanunğa, başqa mäsälälärgä xättä polisiä häm xärbilär mäsäläsendä dä üzgäreşlär taqdim itärlek köçe yuq."

Alani, Amerikanıñ qänäğat bulmawı äl Maliqini alıştıru öçen citärlek säbäb tügel, läkin anıñ abruyı bolayda üz Xökümäte eçendä dä kimi bara di.

Äl-Maliıi urnına kem bilgeläner, bu xaqta äytüe qıyın. Şiğiy firqalar mäclestä küpçelekne täşkil itä, häm yaña Premyerneñ dä şul Şiğiylär arasınnan saylanuı bik ixtimal di Alani.

"Parlamenttañ beräw saylanırğa tiyeş. Parlamentnıñ yaqlawın yawlağan beräw. Anıñ da şul Şigiy firqadan çığıu ixtimal. Läkin şäxesne alıştıru näticäle bula ala çönki, alar äl-Maliqini zağiyf kürä häm monda prmyerneñ şigiy bulıp bulmawı mäsäläse genä tügel, bu şul uq waqıtta şäxes mäsäläse dä."

Şul uq waqıtta, älMaliqi Sişämbe könne il eçendä köç qullanularnı beterü maqsatında Ğiraqqa kürşe illäre belän söyläşergä dip, Demaşqta Süriä citäkçeläre belän oçraştı.

M.K
XS
SM
MD
LG