Accessibility links

җомга, 9 декабрь 2016, Казан вакыты 16:29

Gruziä-Rusiä raketa mäsäläsen ikençe ber törkem tikşerä


Russiä yağınnañ ber suğış oçqıçı Görcestan il çigenä kerep raketa taşlap kire äylänep qayttı dip beldergän Görcestannıñ bu däğwäsen ber törkem belgeç tikşerä başladı.

Raketa, Görcestan belän Könyaq Osetiä çigenä yaqın ququrız qırına kilep töşkän läkin şartlamağan ide.

Britania, Polşa häm Estoniädäñ kilgän ber törkem belgeç, üz tabışlarıñ, 6nçı avgustta bulğan qaza xaqında çıqqan berençe xalıqara tikşerenü xisabı dälilläre belän bergä quşıp näticälären iğlan itte.

Davit Dondua, Görcestan Tışqı eşlär Minstrlığı süzçese, bu ike tikşerenüneñ dä tarafsız häm bäysez bularaq başqarıluı xaqında radiobızğa bolay belderde.

" Bu ike törkem dä Görcestan täqdime belän tözelde. Bu ike xalıqara törkemneñ wazifäläsı, bäysez tikşerenülär ütkärü. Bäysez süzennäñ añlatırğa telägän ber yaqnıñ da mänfäğaten qayğırtmiça bitaraf törkem äzerlände häm bu törkemgä ike taraftanda Rusiä häm Görcestannañ wäkelläre quşılmadı. Bu eşne bolay eşläw bik möhim "

Läkin Rusiä, Görcestannıñ hawa çik kiñlegenä kerüen kire qağa häm Tiflisne yasalma äkiätlär çığaruda ğayeple.

Rusiäneñ BMOdağı ilçese Vitali Churkin, Sişämbe könne, Görcestan birgän Radar mäğlümätläre xaqında şik belderep monıñ Görcestan tarafınnañ Mäskäwne provakatsiäläw yünäleşe bulada ğayepläde.

"Rusiä belgeçläreneñ 16 – 17nçe Avgustta Görcestanda yasağan tikşerenüläre waqıtında cıyılğan barlıq faktlar häm mäğlümätlär häm Görcistan tarafınnañ bulğan ğayepläw, 6nçı avgustta bulğan waqiyğanıñ ike aranı bozarğa telägän Görcestandağı keşelärneñ tarafınnañ bötenläy provakatsiä maqsatında eşlängän dip äytergä mömkin."

Churkin, Görcestan Rusiäle belgeçlär belän eş itmäde, häm alarnıñ tikşerünüläreñ maxsus totqarlap raketa tabılağan çoqırnı qaplap quydılar dip belderde.

Görcestannı Tışqı Eşlär ministrı , Merab Antadze Çurkin yasağan belderüne oyatsız sovyet diplomasiäsı dip atap, tänqitläde.

Bu qarşılıqqa kiyerenkelek östägän iñ soñgı ğamäl isä, Görcestan tışqı eşlär ministırınıñ, Sişämbe könne räsmi internet saxifäsenä elengän belderüe buldı. Ul, anda Rus suğış oçqıçlarınıñ Görcestan hawa çigen ike tapqır bozuın belderä.
XS
SM
MD
LG