Accessibility links

якшәмбе, 4 декабрь 2016, Казан вакыты 15:19

Yaña tikşerenü: ciläk aşağız!


Baqçalarda uñış cıyu waqıtı citte – üskän yäşelçälärneñ qarañğıraq töslelären berençe çiratta cıyıp alığız, äräm itmägez! Ğalimnär yaman şeş awıruına qarşı qaraciläk häm baklajan kebek qarañğı töstäge ciläk-cimeşneñ faydasın tapqan.

Ciläk-cimeş häm yäşelçädä yaman şeş küzänäklärenä qarşı maddälärneñ bulğanın tabiplar küptän belä inde, bu yulı isä alar – qaysı yäşelçälärneñ ayıruça faydalı bulğannarı turında xäbär itä. Qızıl, qoñğırt, şämäxä häm zäñgär yäşelçälärgä tös birüçe antocyanin digän maddä – eçäktä yaman şeş küzänäkläreneñ üseşen tuqtata ikän. Bu näticägä kilülären bügen Amerikanıñ Ohio ştatı universitetı ğalimnäre Amerikanıñ Ximiä Cämğiäte utırışında iğlan itte.

Amerikada qara töstä kukuruz üsä ikän, belgeçlär şunı aşarğa täqdim itä. Millättäşlärebezgä tanış bulğan ciläk-cimeş yäşelçägä kilsäk – Tatarstan häm Mari urmannarındağı qaraciläk, Seber yaqlarında cıyılğan kükciläkne kübräk aşarğa kiñäş itälär.

Ğalimnär – rizıqlarğa tös kertäse bulğanda da – sintetik buyawlarnı tügel, ä şul ciläk suların qullanırğa kiräk, dip belderde.

İkençe ber tikşerenü – qızıl yözem, vinogradnıñ kükräktä yaman şeşneñ üseşen tuqtatuın açıqlağan. Şulay uq analıq bizlärendä şeş üsü qurqıçı bulğan xatın-qızlarğa küpläp mük ciläge aşarğa häm suın eçergä kiñäş itälär...

Ciläk aşağız, sälämät bulığız!
XS
SM
MD
LG