Anna Politkovskaya eşlägän "Novaya gazeta" basmasınıñ möxärrir urınbasarı Sergei Sokolov baş prokuror Yuri Çaykanı tikşerü eşen säyäsiläşterüdä ğayepläde.
"Çayka äfände yañğıratqan versiä, ul barı tik faraz ğına, anıñ ber nigeze dä yuq. Bezneñ başqa versiälär bar. Alarnıñ barısın da centekläp tikşerergä kiräk. Säyäsi tamaşalar oyıştırmıyça ğına" dide Sergei Sokolov.
Düşämbedä yasağan çığışında Yuri Çayka Politkovskayanı üterüdä şiklänelgän 10 keşeneñ qulğa alınuın xäbär itte. Alar arasında çeçen keşese, FSB ofitserı, militsiä xezmätkärläre bar.
"Novaya gazeta" xezmätkärläre üz tikşerülären alıp bara. Möxärrir urınbasarı Sergei Sokolov süzlärençä, qulğa alınğan keşelärneñ, çınlap ta, bu cinayätkä qatışı bulırğa mömkin. Läkin, Çaykanıñ, bu üterü artında çit il köçläre tora, digän belderüen Sokolov kire qağa.
Üzeneñ çığışında Çayka bu üterüne prezident Putinnıñ abruyın töşerü, saylawlar aldınnan Rusiäne totrıqsızlandıru niäte dip atadı. Çit ildäge keşelär digändä, isemnär atamasa da, Çayka Londonda yäşwçe eşkuar Boris Berezovskiğa işarä itte sıman.
Berezovski üze Politkovskayanıñ üterelüen anıñ iseme belän bäyläw tırışlığın "aqıldan yazu" dip atadı.
Kremlneñ Çeçnädäge säyäsätenä kisken tänqit belderüçe Anna Politkovskaya uzğan yılnıñ 7nçe Üktäberendä Mäskäwdä üze yäşägän yort basqıçında atıp üterelde.
Politkovskayanıñ tuğannarı häm alarnıñ advokatları bu üterüneñ çın oyıştıruşısı äle dä tabılmağan digän qaraşta. Tikşerü näticälären waqtınnan alda açu aña zıyan kterergä mömnkin di alar.
Üz tikşerülären alıp baruçı Novaya gazeta xezmätkärläre dä näticälären açırğa aşıqmıy:
"Yuristlardan ayırmalı bularaq minem tikşerü seren açası kilmi. Çönki bu cinäytçelärne totuğa qoma çawlayaçaq" dide Anna Politkovskaya eşlägän "Novaya gazeta" basmasınıñ möxärrir urınbasarı Sergei Sokolov.
ali ğilmi
"Çayka äfände yañğıratqan versiä, ul barı tik faraz ğına, anıñ ber nigeze dä yuq. Bezneñ başqa versiälär bar. Alarnıñ barısın da centekläp tikşerergä kiräk. Säyäsi tamaşalar oyıştırmıyça ğına" dide Sergei Sokolov.
Düşämbedä yasağan çığışında Yuri Çayka Politkovskayanı üterüdä şiklänelgän 10 keşeneñ qulğa alınuın xäbär itte. Alar arasında çeçen keşese, FSB ofitserı, militsiä xezmätkärläre bar.
"Novaya gazeta" xezmätkärläre üz tikşerülären alıp bara. Möxärrir urınbasarı Sergei Sokolov süzlärençä, qulğa alınğan keşelärneñ, çınlap ta, bu cinayätkä qatışı bulırğa mömkin. Läkin, Çaykanıñ, bu üterü artında çit il köçläre tora, digän belderüen Sokolov kire qağa.
Üzeneñ çığışında Çayka bu üterüne prezident Putinnıñ abruyın töşerü, saylawlar aldınnan Rusiäne totrıqsızlandıru niäte dip atadı. Çit ildäge keşelär digändä, isemnär atamasa da, Çayka Londonda yäşwçe eşkuar Boris Berezovskiğa işarä itte sıman.
Berezovski üze Politkovskayanıñ üterelüen anıñ iseme belän bäyläw tırışlığın "aqıldan yazu" dip atadı.
Kremlneñ Çeçnädäge säyäsätenä kisken tänqit belderüçe Anna Politkovskaya uzğan yılnıñ 7nçe Üktäberendä Mäskäwdä üze yäşägän yort basqıçında atıp üterelde.
Politkovskayanıñ tuğannarı häm alarnıñ advokatları bu üterüneñ çın oyıştıruşısı äle dä tabılmağan digän qaraşta. Tikşerü näticälären waqtınnan alda açu aña zıyan kterergä mömnkin di alar.
Üz tikşerülären alıp baruçı Novaya gazeta xezmätkärläre dä näticälären açırğa aşıqmıy:
"Yuristlardan ayırmalı bularaq minem tikşerü seren açası kilmi. Çönki bu cinäytçelärne totuğa qoma çawlayaçaq" dide Anna Politkovskaya eşlägän "Novaya gazeta" basmasınıñ möxärrir urınbasarı Sergei Sokolov.
ali ğilmi