Accessibility links

җомга, 9 декабрь 2016, Казан вакыты 13:04

Ni säbäple Nazarbaev ikençe kiyäwen işennän aldı?


Qazağstan prezidentı Nursoltan Nazabaev bu atnada , yuğarı däräcäle citäkçelärne almaştıru belän bergä, kiyäwe Timur Kulibaevnı da wazifasınnan azat itte. Ul energiä häm sänäğät ölkäsendäge qüyätle Sämruq şirkätendä citäkçe urınbasarı wazifasın başqara ide. Timur Kulibaevnıñ eştän alınuı säbäpläre yañğıratılmadı. Qazağstan oppozitsiäse, monda säyäsi säbäplär bar, dip belderä.

Bu atnadan Qazağstanda yaña premyer-ministr, yaña energiä minisrtrı eşli başlıy. Läkin säyäsi dairälär öçen iñ zur yañalıq - Prezident Nursultan Nazarbaevnıñ üzeneñ kiyäwen Timur Kulibaevnı eştän aluı buldı. Monnan 4 ay elek, Nazarbaevnıñ berençe kiyewe, olı qızınıñ tormış iptäşe, Räxät Aliev qıynlıqlarğa oçrağan ide. Nazarbavnıñ olı qızı Dariğa, ay ayında iptäşe Raxat Alievqa keşe urlawda häm aqça üzläşüterüdä ğäyepläwlär belderlgäç, annan ayırılığan ide. Aña ğäyepläwlär belderelğänçägä qädär, ul Qazağstannıñ Avstriädäge ilçese wazifasınnan çaqırtıp alındı. Şuña cawap itep ul, bik tiz arada, 2013 prezident saylawlarında qatnaşırğa ciyınuı turında belderep quydı. Avstriä mäxkämäse, Alievnıñ Qazağstanğa tapşıru möräcäğäten kire qaqtı, ämma Qazağstan räsmiläre yañadan möräcäğät itärgä uylıy.

“Sämruğ” şirkäte citäkçegennän alınğan Timur Kulibaev Nazarbaevnıñ ikençe qızı Dinarağa öylängän. Aña nindi dä bulsa ğäyepläwlär belderelüe häm üzeneñ säyäsi plannarı turında xäbärlär yuq.

Kulibaev, “Sämruğ” şirkäteneñ citäkçese urınbasarı wazifasın, şirkät oyışqannan birle, 2006 yıl başınnan başqardı. Qazaqstannıñ kommunistlar firqäse wäkile Serikbolsyn Abdildin, Kulibaev, prezidet yaxşıraq kürensen öçen qorban itelde, di :“ Anda säyäsät bar. Nazarbaev üz yulına tuğrılıqlı bulğan ışançılı keşe itep kürnergä teli, üzen, kiräk bulsa kiäwen dä eştän ala ala torğan Prezident itep kürsätergä teli. Däwlätkä häm keşelärgä bu ber nindi üzgäreşlär, fayda bulır dip uylamyım.”

Oppozitsiädäge sotsial demokratlar firqäse wäkile Amircan Kosanov uylawınça, kiäwne eştän alu Nazarbaevnıñ mänfäğätlärenä turı kilä, häm anıñ kiäwnä üzenä dä faydalı bula ala. “Monda säyäsi säbäpär bula ala. Nazarbaevnıñ elekke kiewe Raxat Aliev belän çıqqan skandal ildä häm anan çittä yuğarı yañğıraş aldı. Şunı uylap Nazarbaev, bälkem üzeneñ ikençe kiyäwen külägä qaldırırğa tırışa” - di Qazağstandağı oppozitsion firqä başlığı.

Almatıdağı bäysez säyäsi küzätüçe Andrey Çebotarev, bocayınnan ayırmalı bularaq, Kulibaevnıñ säyäsi ambitsiäläre bulmawına iğtibarnı yunältä. Alievqa ğäyepläwlär belderesä, Kulibaevnıñ ğailäse finans yaqtan imin, keşe küzenä kürenmi genä yäşäp yatarğa mömkin. Kulibaev moña qädär ber 10 yıllap neft, gaz häm banklar tarmağında eşlägän. Nazarbavenıñ tağın ber kiyäwe bar, ul anıñ keçe qızınıñ tormış iptäşe. Prezidentnıñ bu kiyäw ildäge timer yullar şirkäte başlığı.
XS
SM
MD
LG