Accessibility links

дүшәмбе, 5 декабрь 2016, Казан вакыты 23:49

Korealı totıqlar azat itelgännän soñ, Taliban belän kileşü tiräsendä bäxäslär tua


Bu atna 19 könyaq Korealı missioner totqınnarnıñ, azat itülüe öçen alıp barılğan söyläşülär näticäle buldı häm alar azat itelde. Läkin bu şul uq waqıtta, könbatış säyäsätçeläre häm belgeçläre tarafınnañ Talibannıñ ciñüe dip tä añlatıla başladı. Läkin başqalar, Äfğanstan taliban belän turıdan turı kileşergä yäisä totqınnarnı, törmädäge suğışçılar belän almaşudañ baş tartu belän üz köçen kürsätte digän faraz belän cäwap birä. Bu bäxäslär xaqında xäbärçebez sezne yaqınraq tanıştırır.

Pänceşämbe könne azat itelgän Könyaq Korealılarnıñ songı törkeme illärenä cibärelgändä, alarnıñ azat itülüe mäsäläsendä bäxäslär üsä başladı.

Könyaq Korea, bıyıl axırına qadär Äfğanstandağı xärbilären qaytaraçağın wäğdä itte. Bu qarar totqınlıqqa alınğanğa qadär ük birelgän ide dä. Häm alar Äfğanstanğa tağın Xristian missionerlärne cibärmäskä wağdä birde.

Könbatış illärendäñ Daniänıñ, Tışqı Eşlär Ministrı Per Stig Möller, ildäge sivillärgä bu kileşü belän kübräk qurqu yani digän qayğısın belderde. Bu troristlärgä, çit il säyäsätendä süz ütkärü öçen kübräk keşe urliy başlarğa forsat tudırdı bu, di ul.

Qabul, qulğa aluçılar belän üze tirıdan turı elemtägä kermäde. Äfğan Prezidentı Hamid Karzai xaqimiäte, Talibannıñ monı qazanu progandasında qullanır dip kire qaqqan ide. Şulayda, Äfğanstan, Könyaq Korea belän kiñäşläşep eşläde. Äfğan Tışqı Eşlär Ministrı Rangin Dadfar Spanta, Radiobızğa bu xaqta bolay añlatma birde,

"Bez alarnıñ azat itelüenä şatbız. Bez Korea Xökümäte belän alarnıñ sälämätkenä azatlıqlarına qawışuı öçen bergä eş ittek. Soñğı 6 atnada, Bez Könyaq Korea belän barlıq mäsälär xaqında kiñäşep tordıq. Häm atlağan här ber adım Äfğan Xökümäte belän bergä kiñäşläşep eşlände."

Taliban yün ayında qulğa alğan 23 keşelek Könyaq Korea yärdäm xezmätkäreneñ, 2sen ütergän ide. Häm, äfğan häyäte belän kileşüdä uñışsız bulğaç, Könyaq Korea belän bulğan turıdañ-turı söyläşügä kerde. Häm berençe tapqır 2 xatın-qıznı avgust urtalarında azat itte. Tämam kileşkännäñ soñ ğına, qalğan 19 totqın bu atna azat itelde.

Barnet Rubin, Äfğanstan belgeçe häm New York Universitätindä Xalıqara Xezmättäşlek üzäge Mödere bulıp eşli.

Ul bu kileşülärneñ ähämmiätenä arttırılmasqa tiyeş di.

"Bu taliban öçen taktik uñış. Läkin bez aña kübräk mäğnä kertep, anı arttırmasqa tiyeş. Bu xäl Äfğanstan, Könbatış yäisä NATO tarixında ällä ni zur waqıyğa tügel. Bu talibannıñ, qaysı ber keşelärne qulğa alıp, üzen tanıttıruda ber taktik uñış buldı. Läkin şunıda onıtmasqa ul şul uq waqıtta totqınnarnıñ ikesen üterü belän suğış cinäyäti qıldı. Alar matbuğat belän oçraşqanda da häm bäysez ber il belän söyläşkändä dä üzlären yaxşı tottıı. Bu ber kemneñ dä säyäsi tärtebenä ber nindi dä işarä itme."

Rubin şul uq waqıtta, Taliban, Ğazni wilayätendä avtobusta barğan Könyaq Korealı yärdem xezmätkärlären qulğa alu belän barlıq teläkläreñ qanäğatländerde dip äytüe döres bulmas ide di ul.
XS
SM
MD
LG