Accessibility links

җомга, 9 декабрь 2016, Казан вакыты 22:25

Putin Duma saylawların 2 dikäbergä bilgeläde


Rusiä prezidentı Vladimir Putin Rusiä Däwlät Duması saylawların 2 dikäbergä bilgeläde. Mäskäw Kremle belderüençä, Putin saylawlar könen bilgeläwçe qararnı imzalağan. Bu qarar räsmi gazetlarda basılıp çıqqanan soñ 450 urınlı Dumağa saylaw aldı kampaniäse başlanıp kitäçäk.

Üzäk Saylaw Komissiäse başlığı Vladimir Çurov şimbä könne qarar imzalanğannan soñ 5 kön eçendä basılıp çığarğa tieş dide.

Däwlät duması äğzaları partiä isemlekläre nigezendä saylanaçaq. Parlamentqa ütep kerü öçen firqälär kimendä 7 protsent tawış cıyarğa tieş.

Bıltır parlamentqa ütep kerü öçen zarur bulğan tawışlar kirtäse elekke 5 protsenttan 7 protsentqa kütärelde. Şulay uq iñ kimendä küpme saylawçınıñ qatnaşırğa tieşlegen bilgeläwçe kirtä dä beterelde.

Bu üzgäreşlär xakimiät yaqlı firqälär öçen qulay dip sanala.

Çurov xäzergä Rusiä Federatsiäsendä 15 firqä bar dip belderde.

Küptän tügel ütkärelgän fiker beleşülär näticälärenä qarağanda, yaña saylaw qağidäläre nigezendä parlamentqa barı 4 kenä firqä kerä alır kebek.

Alarnıñ ikese Putin yaqlı Berdäm Rusiä häm Ğädel Rusiä firqäläre. Dumağa şulay uq komunistlar belän Vladimir Jirinovskiynıñ Liberal Demokratik Partiäse dä kerer dip kötelä.

Rusiädä barlığı 107 millionnan artıq saylawçı terkälgän. Kiläse yılnıñ 9 martında isä prezident saylawları kötelä.
XS
SM
MD
LG