Accessibility links

шимбә, 10 декабрь 2016, Казан вакыты 02:22

Lavrov: Rusiä İzge Berleklärgä kermi


AQŞnıñ Yevropada raketadan saqlanu cihazı tözü planı häm Kosovo kiläçäge kebek ike mäsälädä Rusiä çigenergä cıyınmıy. Bu xaqta bügen tışqı eşlär ministrı Sergei Lavrov Mäskäwdä Xalıqara Mönäsäbätlär Univeristetı – MGİMOda yasağan çığışında belderde. Xalıqara cämäğätçelek, Rusiäneñ bu ike mäsälädä kileşmiäçägen añlarğa tieş, dide Lavrov.

Mäskäwneñ Xalıqara Mönäsäbätlär Universitetında yaña uqu yılınıñ berençe däresen bügen tışqı eşlär ministrı Serhei Lavrov alıp bardı. Kiläçäktä diplomat häm säyäsätçelär bulır öçen uqığan studentlarğa Lavrov, dönyada iminlekneñ nigeze – balans häm kileşü, dide. Häm Rusiä, dönya xällärendä balans totunı däwam itäçäk, dide Lavrov:

"Xalıqara säxnädä köçlär çağıştırması tigez bulsın öçen qağidä ber – ul tınıçlıq säyäsäte, xalıqara qanunnarğa tayanu, iminlek, nizaqlarnı säyäsi häm diplomatik yullar belän çişü. Bu prinsiplar BMO xartiäsendä dä terkälgän. Rusiä köçlär tigezlege säyäsäten däwam itäçäk häm ber qayçan da kemgäder qarşı bulğan yaña İzge Berleklärgä kermiäçäk."

Lavrov – ike mäsälädä çikne bozmaw şulay uq Rusiäneñ role, dip sanıy. Rusiä häm anıñ berektäşe Serbiä Kosovoğa Belgradtan bäysezlek birügä qarşı. Bu plannı Berläşkän Millätläre täqdim itkän ide.

Şulay uq Mäskäw, iminlekkä yanıy, dip Waşingtonnıñ Polşa häm Çexiädä raketa qalqanı tözü plannarına qarşı çığa. Rusiä tışqı eşlär ministrı bu mäsälädä urtaq fikergä kilü öçen Yevropa berlän AQŞ arasında kübräk söyläşülär kübräk oçraşular kiräk, dip belderde. Yevropa Berlege-Rusiä-Quşma Ştatları arasında 3 yaqlı söyläşülär ike bäxäsle mäsäläne çişergä yardäm iter ide dip ışana Lavrov. Mäskäw Hindstan häm Qıtay belän xezmättäşlekne arttıra. Şulay uq Rusiäneñ xäzer İslam Konferensiäse Oyışması häm Ğaräp Ligası, Şanxai Xezmättäşlek Oyışmasında da öleşe bar. Lavrov süzlärençä, dönya aldında torğan problemalar – ayırım ber ilgä genä qaramıy, süz global qurqınıçlar turında bara.

Bolar turında Rusiäneñ tışqı eşlär ministrı Sergei Lavrov Mäskäwdä Xalıqara Mönäsäbätlär Universitetında studentlar aldında yasağan çığışında äytte.
XS
SM
MD
LG