Accessibility links

якшәмбе, 11 декабрь 2016, Казан вакыты 01:25

İran Atom programıñ däwam itterä


Iran Prezidentı Mäxmüd ÄxmädiNäcat, uran bayıtuda qullanılğan Santrifuga sanıñ 3.000 gä citüen belderä. ÄxmädiNäcatnıñ yäkşämbe könne yasağan bu belderüe, BMOnıñ İrandağı Santrifugalar sanı 2 meñ digän xisabınnañ soñ yañgıradı.

Prezident ÄxmädiNäcat İran atom programın arttırıluın, bu isäptän 3 meñdän artıq Santrifuga maşinası urnaştıruların belderde.

Ber törkem İranlı uquçını qabul itkän ÄxmädiNäcat, alar aldında yasağan çığışında, uran bayutu maqsatında här atna yaña ber Santrifuganıñ urnaştıruluıñ däğwä itte.

Bayıtılğan Uranike maqsatta da, elektrik stansiälärendä yäisä Atom qoralı citeşterü öçen qullanıla ala. Könbatış, İran Atom bombaları äzerli dip şiklänsä, İran yağı bu ğayepläwne kire qağa.

Äxmädinäcat yasağan belderü, Xalıqara Atom Energiä idaräse çığargan xisapqa qarşı kilä. Xisapda, İranda eşli torğan sentrafuga sanı 2 meñ dip belderelgän ide.

Xalıqara Atom Energiä idaräse, songı waqıtta atom tikşerenüläre ölkäsendä idarä belän yasağan xezmättäşlegeñ “Alğa taba möhim adım” dip bäyäläp, İrannı maqtağan ide. Häm xisapta uran bayıtu eşe kimede dip belderelgän ide.

BMO inde İranğa qarşı ike tapqır çikläwlär yasağan ide. Häm moña östäp AQŞ, ägär dä uran bayıtuı tuqtatılmasa, İranğa qarşı öçençe ber çikläw kertergä çaqırğan ide.

Shannon Kile, Stockholm Xalıqara Tınıçlıq İnstitutında, Atom qorallarıñ çikläw kileşüe yuğarı belgeçe. Kile, Radiobızğa, BMO çikläwläre barı tik, ilneñ raketa häm atom programına qatnaşqan şäxes häm eşmäkärlekkä qarşı buldı häm bu İran iqtasıdıñ ällä ni qaqşatmadı di.

“İrannı künderü öçen arta barğan çikläwlär kertü fikere buldı. Läkin, BMO İminlek şurasınıñ uran bayıtuın tuqtu çaqıruına qarşı, İran yağınnañ ällä ni baş iyü işaräse bulmadı. Ni bulsa da, İran haman uran bayıtu programasın däwäm itä.”

Häm şuña kürädä, İminlek Şurasınıñ yaña qarar qabul itüe, İrannıñ elekke çikläwlär belän buysındırıp bulmağanıñ kürsätä di Shannon.

ÄxmädiNäcat, Çikläwlärgä qaramastan atom eşlärenıñ däwam ittereläçägen belderde.

İran mağlümät agentları isä, ÄxmädiNäcat süzlären kiterep: Könbatış, İrannı här ber resolisiä baş iyär dip uyladı . Läkin İran xalqı här ber rosolisiägä qarşı atom ölkäsendä yaña açılışları belän çıqtı dip yazdı.

Äxmädinäcatnıñ, 3 meñdän artıq Santrifuga bar digän däğwäsen raslarlıq, bäysez ber belderü älegä yuq.
XS
SM
MD
LG