Мәскәү – Мәскәүнең хәрби мәхкәмәсе башкаланың ФСБ идарәсе хезмәткәре Павел Рягузовны кабат кулга алырга, дигән карар чыгарды. Башта аның исеме "Новая газета" хәбәрчесе Анна Политковскаяның үтерелүенә катышы булучылар арасында телгә алынган иде. Соңрак ул карар көчтән чыгарылды. Рягузовның адвокаты сүзләренчә, хәзер яңа гаепләүләр белдерелгән, болары - Политковскаяның үтерелүенә бәйле түгел.