Accessibility links

шимбә, 10 декабрь 2016, Казан вакыты 00:19

Teror Yewropanıñ başqa illärendä dä sizelä


Xäzergäçä, Spaniä häm Britaniä da bulğan şikelle terror höcümnäreneñ tönyaq Yewropada bulğanı yuq ide äle. Läkin, bu atna Germaniä häm Daniädä polisiä tarafınnañ qulğa alular, bu illärgä dä terror qurqınıçı yanağanıñ kürsätte.

Alman räsmiläre, bügen Frankfurt hawa alanı häm Ramsteindağı AQŞ xärbi nığıtmasına höcüm itärgä cıyınuda şiklänelgän İslamçı terrorçıların qulğa aluların iğlan itte.

Alman eçke eşlär ministrı Wolfgang Schaeuble bügen Berlindä yasağan matbuğat oçraşuında:

"Bu İslam Cihad Berlege, hiçşiksez äl-Qaidä belän tıgız ilemtädä tora. Alar Äfğanstandağı Almannarğa ğına tügel, bezneñ ilebezgä dä zur höcüm oyıştırırğa äzerlände. Bezneñ belüebezçä, ägär dä şiklänelgän keşelär planların başqarğan bulsa ide, bu höcümnärneñ zararı bik zur bulır ide.” Saqlanu Ministrı, Franz Josef Jung bu qurqınıç baştañ uq kötelä ide dip äytte. Şiklänelgän keşelär bügen mäxkämä aldına çığarılırğa tiyeş ide.

Şul uq waqıtta, Daniä polisiäse, bombalı höcüm planlaştıru häm äl-Qaidä belän bäyläneşe buluda şiklänelgän 3 terrorçını qulğa aluların belderde. Räsmilär alarnıñ çın maqsatı närsä buluı xaqında mäğlümät birmäsä dä, qulğa alınğan ike keşedä şartlatqıç öçen keräkle maddälär tabıluı xaqında belderde.

Florien Geyer, Yewropa Säyäsät Öyränü üzäge belgeçe. Ul, şiklängän keşelärneñ qulğa alınuı belän yaña höcümnärneñ kisätelde dip äytergä äle irtä di. Keşelär barı tik qulğa ğına alındı, monıñ näticäse ni kürsäter äle bu xaqta tügäl äytep bulmas di ul.

Geyer, Terorçılarnıñ bu ike ilgä höcüm qılırğa üz säbäbläre buluın añlata. Germaniä üze AQŞnıñ Ğiraqnı basıp aluına qarşı bulsa da, Äfğanstanda äwzem räweştä xärbi çaralarda qatnaşa. Häm Almaniädä AQŞnıñ xärbi bazası bar.

Geyer, Daniä mäsäläsendä isä, bu ay Ğiraqtağı ğaskärläreñ kire qaytaruın tämamlarğa cıyınsa da, 2005nçe yılda gazetalarda Möxammäd peyğambärne mısqıllağan räsemnäre, ekstremistlar arasında tirän ez qaldırğan buluı ixtimal di. Räsemnär qarşılıq tudırğan, aña qarşı törle müselman illärendä rizasızlıq çaraları ozın waqıt däwam itkän ide.

"Dania uzğan yıl çıqqan räsemnärneñ qarşılıq tudıruın onıtmasqa kiräk, Minem uylawımça äle bu mäsälädä Daniäda xalıq arasında haman bäxäslär däwam itä. Bu kötelmägän kisken reaksiä belän belän bäyle, bälki töp säbäp bu, bu çaralar redikal köçlärneñ Daniä däwlätenä qarşı ğamällär qılu niätenä etärgänder." Geyer, Yewropa Berlegendä, İslamçı radikallar tudırğan terror qurqınıçınıñ artuın sizäm di. Läkin üzlären islam qimmätläre öçen suğışabız dip tanıtqan redikallär belän, alarğa ber nindi dä qatnaşı bulmağan Yewropa Berlegendä yäşägän millionlağan tınıç möselman xalqın butamasqa dip kisätä.
XS
SM
MD
LG