Accessibility links

якшәмбе, 4 декабрь 2016, Казан вакыты 19:24

OSCE Gruziädä raketa taşlanğan buluın tanıy, ämma hökem itmi


Ütkän ayda Gruziä, Rusiä xärbi oçqıçı ilgä qanunsuz räweştä oçıp kerep, Tiflistan yıraq tügel ber cirgä raketa taşladı, dip beldergän ide. Rusiä ğäyepläwlärne kire qağıp kilde. Yevropada xezmättäşlek häm iminlek oyışması wäkilläre dä bu xälne tikşerde.

Yevroda iminlek häm xezmättäşlek oyışması başlığınıñ wäkile Miomir Zuzul, bügen : “oyışma bu xälneñ buluyına ışana, ämma monıñ öçen ğäyepläw beldermäyäçäk”, dide.

Gruziä, Rusiä yağınnan xärbi oçqıç qanunsız räweştä Gruziägä oçıp kerep, raketa taşlap kitü ğäyepläwlärläre belän çıqqan ide. Raketa kukuruz qırına töşä ämma şartlamıy. Ul Könyaq Össetia çigenä yaqın cirdä tabıla. Rusiä nindi dä bulsa oçışlarnıñ bulu mömkinlegen kire qaqtı. Rusiä xärbi hawa köçläre wäkile, Gruziägä ber oçqıç ta barmadı, dip beldergän ide. Häm monı Gruziäneñ provakatsiäse dip atağan ide. Yevropada iminlek häm xezmättäşlek oyışması räiseneñ wäkile Zuzul, avgust urtasında Rusiä häm Gruziä räsmiläre belän söyläşülär ütkrergä bilgelängän ide. Ul şulay uq, waqığanı tikşergän 2 xalıqara törkem häm Rusiä törkeme wäkilläre belän dä söyläşep alğan. Zuzulnıñ äytüenä qarağanda, tikşerü ütkärgän törkemnärneñ näticäläre ber-bersennän ayırıla, şuña kürä, çınlıqta närsä bulğanın açıqlaw awır. “Läkin nindider waqiğa bulğan, ul töbäktä qurqınıç xälgä kitergän, ul Tiflis belän Mäskäw arasında kierenkelekne üsterep cibärgän,” dip tä äytkän. Yevropa iminlek häm xezmättäşlek oyışması räiseneñ wäkile Miomir Zuzul, oyışma kiläçäktä mondıy xällärneñ qabatlanmaw yulların ezli dip östäde. Bu belderülär Tiflis belän Mäskäw arasında kierenkelek däwam itkän mälgä turı kilde. Gruziä tışqı eşlär ministrlığı Rusäne yañadan 21nçe avgustta 2 tapqır qanunsız räweştä Gruziägä ütep kerüdä ğäyepläp çıqqan ide. Küptän tügel, Rusiäneñ federal iminlek xezmäte, Rusiäneñ çik buyı xezmäte Gruziä yağınnan ilğä ütep kerergä telägän qorallanğan 2 keşene üterde, dip belderde.
XS
SM
MD
LG