Qulğa alınğan 3 keşeneñ 2se – Germaniä, berse Törkiä watandaşı. Alar hawa alannarı, restorannar häm klublarda bomba şartlatırğa äzerlänüdä şiklänelep qulğa alındı.
Germaniäneñ baş prokurorı Monika Harms süzlärenä qarağanda, İslam Cihad Berlege – sönni möselmannardan tora, alarnıñ kübese Üzäk Aziä illärendä, ämma ber öleşe dönyanıñ başqa illärendä, Yevropada da bar. Berençe tapqır bu oyışmanıñ iseme 2004nçe yılda Taşkent häm Boxarada bulğan şartlawlarğa bäyläp yañğradı. Ul çaqta terror höcümnärendä 47 keşe häläk bulğan ide. Üzbäk räsmiläre şartlawlarda Üzbäkstannıñ İslam Xäräkäte häm Hizb ut-Tahrirnı ğayepläde, ämma soñıraq cawaplılıqnı üz östenä İslam Cihad Berlege aldı.
2004nçe yılda Berlek tağın ber terror ğamälendä qatnaştı, Taşkenttağı Amerikan häm İzrail ilçelekläre yanında bulğan şartlawlarda 2 keşe häläk buldı häm berniçäse yaralandı. Üz ilçelegenä höcümnän soñ AQŞ bu törkemne "global terror oyışmaları" rätenä kertte.
İslam Cihad Berlegeneñ maqsatı – Üzäk Aziädä islam däwläten qoru. Oyışma suğışçıları tuğan illärendä qulğa alınudan qaçıp 90nçı yıllarda Äfğanstan häm Paqstanğa küçte. Berlek Äfğanstanda barğan suğış waqıtında yuq itelgän dip farazlana ide. Anıñ az sanlı äğzaları Paqstan belän Äfğanstan çik buyında qala birä.
İslam Cihad Berlege üz maqsatları häm fälsäfäse turında açıq itep beldermi, höcümnär öçen cawaplılıqnı üz östenä almıy. Ämma kiçä Germaniädä qulğa alınğan terror ğamällären äzerläwdä şiklänelgän keşelärneñ bu berlek äzğaläre buluı – belgeçlärne ğacäpländermi.
Germaniädäge İminlek Öyrünüläre Üzäge belgeçe polokovnik Nick Pratt.:
"Berençedän, bu ber kemne dä şaqqatırmıy. Bu keşelär – Äl-Qaida çeltäreneñ ber öleşe, alar näq Niderland, İspaniä häm Britaniädä kebek ğamällär qıla, alar Germaniäne yaxşı belä."
Bu keşelärne İslam Cihad Berlege Germaniädä taba häm üz täğlimatenä tarta.
Näq şul säbäptän, qayberläwlär, qulğa alınğan bu öç keşene Üzäk Aziägä bäyläw döres tügel, dip sanıy.
Germaniäneñ baş prokurorı Monika Harms süzlärenä qarağanda, İslam Cihad Berlege – sönni möselmannardan tora, alarnıñ kübese Üzäk Aziä illärendä, ämma ber öleşe dönyanıñ başqa illärendä, Yevropada da bar. Berençe tapqır bu oyışmanıñ iseme 2004nçe yılda Taşkent häm Boxarada bulğan şartlawlarğa bäyläp yañğradı. Ul çaqta terror höcümnärendä 47 keşe häläk bulğan ide. Üzbäk räsmiläre şartlawlarda Üzbäkstannıñ İslam Xäräkäte häm Hizb ut-Tahrirnı ğayepläde, ämma soñıraq cawaplılıqnı üz östenä İslam Cihad Berlege aldı.
2004nçe yılda Berlek tağın ber terror ğamälendä qatnaştı, Taşkenttağı Amerikan häm İzrail ilçelekläre yanında bulğan şartlawlarda 2 keşe häläk buldı häm berniçäse yaralandı. Üz ilçelegenä höcümnän soñ AQŞ bu törkemne "global terror oyışmaları" rätenä kertte.
İslam Cihad Berlegeneñ maqsatı – Üzäk Aziädä islam däwläten qoru. Oyışma suğışçıları tuğan illärendä qulğa alınudan qaçıp 90nçı yıllarda Äfğanstan häm Paqstanğa küçte. Berlek Äfğanstanda barğan suğış waqıtında yuq itelgän dip farazlana ide. Anıñ az sanlı äğzaları Paqstan belän Äfğanstan çik buyında qala birä.
İslam Cihad Berlege üz maqsatları häm fälsäfäse turında açıq itep beldermi, höcümnär öçen cawaplılıqnı üz östenä almıy. Ämma kiçä Germaniädä qulğa alınğan terror ğamällären äzerläwdä şiklänelgän keşelärneñ bu berlek äzğaläre buluı – belgeçlärne ğacäpländermi.
Germaniädäge İminlek Öyrünüläre Üzäge belgeçe polokovnik Nick Pratt.:
"Berençedän, bu ber kemne dä şaqqatırmıy. Bu keşelär – Äl-Qaida çeltäreneñ ber öleşe, alar näq Niderland, İspaniä häm Britaniädä kebek ğamällär qıla, alar Germaniäne yaxşı belä."
Bu keşelärne İslam Cihad Berlege Germaniädä taba häm üz täğlimatenä tarta.
Näq şul säbäptän, qayberläwlär, qulğa alınğan bu öç keşene Üzäk Aziägä bäyläw döres tügel, dip sanıy.