Accessibility links

җомга, 9 декабрь 2016, Казан вакыты 16:31

Respubliqanıñ xoquq haqlau orğandarı belem bireü uçrejdenieların haqlauźı kösäytergä saqıra


Eske eştär ministrlığınıñ yämäğät imenlege militsiyahı etöksehe urınbaśarı Rişat Yosopov äyteüensä, qayhı ber mäktäptär äle haman wedomstvonan tış haq xeźmättäre menän kileşeüźär töźömägän. Rişat Yosopov beldereüensä, bıl täü siratta mäktäptärźä tärtip boźouźar artıu menän añlatıla. Bıl xälde yäştär säyäsäte buyınsa däülät qomitetı räyese lä tanırğa mäjbür.

AUDİO

Yıl başınan belem usaqtarında 635 enäyät osrağı terkälgän. Ularźıñ 323-e Öfölä. Eske eştär ministrlığı xeźmätkärźäre balalar baqsaları, mäktäptär, yuğarı uqıu yorttarın haylanma tikşergän. Ularźa terror ğämälenän haqlau eşe teyeşle kimäldä oyoştorolmağan, yäğni barlıq talaptar teyeşle kimäldä ütälmäy. Rişat Yosopov hüźźärenä qarağanda, qayhı ber belem bireü yorttarına sit keşelär irken ütä ala. Mäktäptär haqlanmay. Kiläsäktä barlıq mäktäptärźä küźäteü qameraları urınlaştırıu qarala. Bıl turala Öfö qalahı mäğarif idaralığı etäksehe Azamat Säyfullin belderźe. Respubliqa premer ministrı urınbaśarı Fidus Yamaletdinov här mäktäp menän ayırım höyläşergä käñäş itte. Başqortostan menän Räsäy berźämlegen bildälär aldınan qayhı ber törkömdär xälde qatmarlaştırırğa tırışasaq. Beźgä täü siratta balalarźı haqlauźı kösäytergä käräk tine Fidus Yamaletdinov. Yubiley aldınan Başqortostanda watandaştarźı haqlau aylığı başlandı. Unıñ barışında respubliqa uqıu yorttarında asıq därestär,bäygelär ütkäreü qarala. Bınan tış törlö ğäźättän tış xäldär eźemtälären bötöröüźä qatnaşqan weterandar, watandaştarźı haqlausılar menän osraşıuźar oyoştorolasaq. Şirqättär häm oyoşmalar bıl osorźa qollektiv häm şäxsi haqlanıu saraların fayźalanıu qağiźälären teüäl ütäü buyınsa hınau totasaq. Ğäźättän tış xäldär ministrlığınıñ Başqortostandağı idaralığı belgese Räfisä Şäyxislamowa äyteüensä, xalıq arahında yanğın xäüefheźlege häm ğäźättän tış xäldärźä eş iteü qağiźäläre buyınsa külämle añlatıu uźğarıu źa qarala.

AUDİO

Ğäźättän tış xäldär idaralığı belgestäre watandaştarźı haqlau aylığınıñ tap yubiley aldınan üteüen möhim tip iśäpläy. İdaralıq etäksehe Marat Mähäźiew yubiley köndärendä barıhı la tınıs bulasaq tip respubliqa prezidentına wäğäźä birźe.

XS
SM
MD
LG