Accessibility links

сишәмбе, 6 декабрь 2016, Казан вакыты 22:57

AQŞ Kongresı, Ğiraqtağı uñışlar xaqındağı xisabın tıñlayaçaq


AQŞ Kongrese, düşämbe könne, Prezident George Bushnıñ Ğiraqtağı wäkile, Ryan Crocker häm anıñ xärbi citäkçese General David Petraeus belän oçraşa. Oçraşuda alar, Ğiraqtağı Amerikan köçläreneñ uñışları xaqında xisap biräçäk. Monnañ 8 ay elek täqdim itelgän yaña yünäleş, Xökümätneñ, Şiğiy häm Sunnilär alarasında urtaq süz tabuda säyäsi üseşkä xasıl buluı öçen yul kürsätäçäk. AQŞ Xärbiläreneñ Ğiraqtağı täsere xaqında belgeçlär fikeren taqdim itäbez.

Prezident Bush, Ğinvar ayında, Ğiraqqa 21 meñ östämä xärbi cibäräçägen äytkän ide. Bu san xäzer 30 meñgä arttı. Ğiraaqtağı AQŞ köçe ğaskärläre sanı östälgännär belän bergä 170 meñgä citte.

Waşintonda uylawınça, Xärbi yaqtan qarağanda, AQŞ köçläre Ğiraqta küpmeder uñışqa ireşte dip äytep bulsa da, säyäsi küzlektän qarağanda, monı başqa añlap bula.

"Ğiraq öçen iqtisadi yärdem kürsätergä küngän kongres, Ğiraqtağı uñışnı çağıştıru öçen 8 noqta belgeläde. Bolar arasında, xärbi yaqtañ, ägär AQŞ ğaskärlären qaytarırğa bulsa, Ğiraq xärbiläre alar wazifasın däwam itterergä äzerme? Säyäsi ölkädä isä, Ğiraq xaqimiäte säyäsi yaqtañ urtaq yul tabuda uñışlı bula alırmı? "

Senatı häm Wäkillär palatasındağı küpçelekne Demokratlar täşkil itä. Demokratlarmıñ anda canlı bäxäslär tuu ixtimalı bar.

Qanun çığaruçılar, üzlären saylağan xalıq tarafınnañ yışqına xärbilärne kire qaytara başlarğa digän basımğa duçar bulalar.

Ğiraqta nilär bulıp yata, bolarnı öyränü öçen bez 2 belgeçtäñ soraştırdıq.

Anthony Cordesmen, elekke Pentagon häm Däwlät Departımantı belgeçe. Ä Micheal O’Hanlon, Waşiñtodağı analatik üzäklärdäñ berse bulğan Brooking İnstitutındä tışqı eşlär belgeçe.

Cordesmen, Xärbi köç östäwne törle yaqları belän bäyälänergä tiyeş di.

“Ägär säyäsi añlaşu bulsa, bu başta başlanğıç adım da bulsa, AQŞ köçlärenä qarşı bulğan basımnar äzäyäçäk häm suğış tiräsendäge tänqitläwlär yomşaraçaq. Çınnañda monda töp mäsälä AQŞ köçeneñ däräcäse tügel. Bez Ğiraq xökümäte milli berdämlek tudırmayınça xärbi çaralarnı tuqtatmıyaçaqbız. Mäsälä şunda“

O’halon isä, AQŞ Ğiraqta çın mäğnädä ciñü yawlaw yulında tügel. Läkin şulayda AQŞ köçläre, qaysı ber uñışlarğa ireşer. Monı O’Hanlon, Ğiraqta totırıqlıq buldırmayınça, tulısınça AQŞ xärbi köçen qaytarıp bulmas dip añlata.

“Ägär Ğiraq berdäm bulsa, äl-Qaidä bulmağan ber däwlät bulsa yaki atom quralları bulmasa häm kürşeläre belän suğışmasa yäisä azçılıqların ütermäsä, ul çağında uylawımça bez barsınada küz yoma alırbız. Bez anda Diktotorlıqnıñ buluına tüzä alırbız, İranğa yöz totqan ber Ğiraqqa tüzä alırbız yäisä Süriägä yaqınayğan ber Ğiraqnı kürä alırbız. Äwzem räweştä terorçılıqnı yäisä atom qorallanuın taratu qurqınıçı bulmasa, yäisä bu östä sanağan tiskäre ğamällär bulmasa, ber här ber näticäğä tüzä alırbız. “

O’Halon,AQŞ monnañ da yuğarıraq maqsatı bula almıy dip süzen yomğaqladı..
XS
SM
MD
LG