Accessibility links

сишәмбе, 6 декабрь 2016, Казан вакыты 23:05

İran: Rafsanjaninıñ yaña wazifasına ömetlär bağlıylar


Bu atnada İranda, elekke prezident, tanılğan säyäsätçe Ali Akbar Haşemi Rafsanjani Ğlämälär Mäclese räise itep saylandı. Mäcles tarixında bu anıñ ikençe genä räise, häm küplär – Rafsanjani, prezident Mähmüd Äxmädinejad häm ütä konservativ Bağuçılar Şurası qarşında üz pozisiäsen nığıta dip isäpli. Şulay uq, Rafsanjani bu wazifağa kilep, İrannıñ Könbatış belän mönäsäbätlärenä yoğıntı yasıy ala dip farazlana.

Ğölämälär mäclese – İrannıñ yuğarı ruxi yulbaşçısın saylağan häm eşen küzätkän ölkän ruxanilärdän tora. Haşemi-Rafsanjani şulay uq Mäslixät Şurasın da citäkli. Ğölämälär mäcleseneñ berençe räise Ayatolla Ali Meşkini 30 yüldä wafat bulğannan soñ mäcles citäkçelege öçen köräşne Rafsanjani ciñde. Reformaçıl köndälek basma "Etemad" yazuınça, köräş urta pragmatik köçlär belän qadimi köçlär arasında barğan. Haşemi-Rafsanjaniğa qarşılıqlı äsärlären bastırırğa röxsät birmägännär. İranda çığuçı köndälek matbuğat – Rafsanjinıñ Ğölämälär Mäclese räise wazifasına kilüen – tabiği xäl, dip bäyäläde. Ul küp yıllar räise urınbasarı ide. Ämma ber ük waqıtta, anıñ bu wazifağa kilüe – İranda inde yıllarça ber qalıpqa salınğan säyäsätneñ dä üzgäreş teläwen kürsätä, dide Farda radiosına İran jurnalistı Maşalla Şamsolvaezin. İke yaq belän dä aralaşqan Rafsanjani, reformaçılar häm qadimi ruxanilär arasında küper bulıp – radikal çığışlarnı tuqtata ala dip farazlana.

Jurnalist Cäğfär Golabi, Haşemi-Rafsanjaninıñ ozın ğömerle bögelüçän säyäsätçe bulğanı turında yaza. Reformaçılarnı ul Rafsanjanidan sabırlıqqa öyränergä çaqıra. Rafsanjani, aşığıp qabul itelgän qararlar häm yasalğan belderülärdän bigräk, tınıç sabır söyläşülärne xup kürä, di jurnalist. 2 yıl elek prezident saylawlarında Äxmädinejadqa ottırğannan soñ Rafsanjani näq şundıy tınıç xolqı , ölkän ruxanilär belän qarşılıqqa kermäwe arqasında – xäzer yuğarı wazifağa kilde häm üzeneñ säyäsi köçen arttırdı. Azatlıqnıñ säyäsi küzätüçese Wahid Sepehri yazuınça, Rafsanjanidan da ällä ni zur üzgäreşlär kötäse yuq, ämma hiç yuğı ul ezlekle säyäsät alıp bara häm anıñ belän kiläçäkkä plannar qorıp bula, di radiobıznıñ säyäsi küzätüçese.
XS
SM
MD
LG