Accessibility links

җомга, 9 декабрь 2016, Казан вакыты 18:37

Yevropa Berlege ministrları Portugaliädä Kosovo turında fiker alışa


Bügen Yevropa Berlege tışqı eşlär ministrları Portugaliädä cıyıldı. Anda alar Kosovo kiläçäge mäsäläsendä urtaq säyäsät turında söyläşäçäk, şulay uq migrasiä häm klimat üzgäreşläre turında fiker alışaçaq.

Söyläşülär başlanır aldınnan Yevropa Berlegeneñ tışqı säyäsäte başlığı Javier Solana, Berlek ministrları – berdäm säyäsät buldıruğa taba eş itäçäk, dip beldergän ide. Germaniä tışqı eşlär ministrı Frank-Walter Steinmeier, Serbiä belän Kosovo arasındağı söyläşülärgä tağın mömkinlek birergä kiräk, dide. Ministrlarnıñ üzläre arasında qarşılıqlar bar, häm bu fiker ayırmalıqların radiobıznıñ Balkan belgeçe Patrick Moore menä niçek añlata:

"Mäsälä şunda ki, söyläşügä qatnaşqan törle illärneñ mänfäğätläre törle. Misal öçen, Britaniä häm Germaniä xökümäte, Marti Ahtisaari planı ğamälgä aşırılırğa tieş dip Quşma Ştatlar belän kileşä. Bu – Kosovoğa şartlı bäysezlek birü digän süz."

Kosovo räsmi töstä Serbiäneñ ber öleşe bulıp qala. Ämma 1999nçı yılda NATO ğaskärläre kerep annan serb köçlären çığarğannan birle, Kosovo BMO kontrolendä qala. Kosovoğa BMO küzätüe astında şartlı bäysezlek birü tırışlıqları moñarçı tormışqa aşmadı. Küpçelege albannar yäşägän Kosovo xökümäte, ägär dä söyläşülär uñışsız tämamlansa, bäysezlek iğlan itäçägen beldergän ide. Söyläşülärneñ tämamlanu waqıtı – 10 sinteber. Serbiä Kosovo bäysezlegen qabul itmäyäçägen qabatlap kilä. Belgradnı bu mäsälädä BMO İminlek Şurası äğzası Rusiä dä yaqlıy. Şulay uq, Balkan belgeçe Moore süzlärenä qarağanda, Yevropa Berlegeneñ tağın qayber illäre Serbiäne yaqlıy, çönki üzlärendä dä milli azçılıqlarnıñ baş kütärülärennän qurqa:

"Slovakiä häm Romaniä, üzlärendäge macarlar Kosovodan ürnäk alırlar dip qurqa. İspaniädä şundıy u mäsälä basklar häm katalannarğa qağıla. Macarstan Serbiädäge macarlarnı qayğırtsa, Romaniä Serbiä belän elek elektän yaxşı mönäsäbättä tora. Serbiä şulay uq Gresiä, ayırım alğanda Qıprıs grekları belän bik dus. Şulay itep berdäm fikergä kilü bik awır bulaçaq."

Serbiä belän Kosovo aradaşçıları söyläşülären däwam itä, citäkçelär 28nçe sintäber könne oçraşaçaq. Älegä alğa kiteş yuq, bu könnärdä Portugaliädä ütkän söyläşüdä dä ministrlarnıñ böten yaqlarnı qanäğätländererlek qarar qabul itüe şikle, di belgeçlär.
XS
SM
MD
LG