Хокук яклаучы Альмира Жукованың кызы Алина Жукова наркотик таратуда гаепләнеп 7 елга хөкем ителгән иде. Альмира Жукова моны үзенең эшчәнлеге өчен үч алу дип, махсус оештырылуын белдерде. Әлеге хәлләр “Российская газета”да көн күргәннән соң ил Президенты каршындагы Җәмәгатьчелек шурасына кадәр барып җиткән иде. Әлеге шура эшне үз күзәтүенә алгач, Башкортстанның югары мәхкәмәсе кабат карап, 7елга хөкемне 11 айга алыштырды.
