Accessibility links

сишәмбе, 6 декабрь 2016, Казан вакыты 13:24

Makedoniädäge soñğı waqiğalar Kosovodağı kiyerenkelek belän bäyleme?


Makedoniädä, soñgı arada etnik albannarnıñ da qatnaşlığı bulğan köç qullanu oçraqları, kiläçäk statuse äle xäl itelmägän Kosovoda kiyerenkelek arttıru ixtimalı borçılu arttırdı. İñ sonğı waqiyğa kiçä, Makedoniäneñ Kosovo çigendäge ber alban awılında başlağan bäreleşlärdä, ber polisiä xezmätkäre belän ber qorallı keşeneñ ülüe belän tämamlanğan ide. Qaybiräwlär bu waqıyğanı cinäyät dip atası, başqalar bu eştä säyäsätçelärneñ barmağı bardır dip isäpli.

Soñğı arada, Makedoniälelär belän bäyle, 3 waqıyğa kün üzäk xäbär başlıqlarınañ töşmäde. Häm bu isäpdäñ Skopye hökümäte, waqiyğalar xaqında söyläşer öçen ğadättäñ tış cıyıldı. Soñgı utırış bügen däwam itä. Qaysı ber belgeçlär bu waqiyğanı Kosovo mäsäläse belän bäyle. Mäğlüm bulğança töbäktäge Alban küpçelek Serbiadañ üzläreneñ bäysezlegen alırğa telägän läkin bu teläk, Serbiä häm anıñ BMO İminlek şurasındağı birektäşe Russiä tarafınnañ kirtä quyılğan ide.

Nindi añlatma bulmasıñ, Makedoniädä sivil suğış çığıun kisätkän 6 yıllıq Xalıqara tınıçlıq yärdämennäñ soñ, xäzerge bulğan waqiyğalar, Balkannarnıñ kiläçägeñ tağın soraw astına sala.

Soñğı waqiyğa da, Makedoniäneñ tönyaq-könbatıştaraq küpçelek albannar yäşägän Vaksince töbägendä, Mekodoniäle ber Polisiä xezmätkäre belän ber alban üterelgän, ike polisiä xezmätkäre isä yaralanğan ide.

Soraw bulıp xäzer waqiyğa artında kem yäisä närsä tora?

Cäwap açıq tügel, läkin cinäyätçelek häm säyäsi säbäp iñ küp şiklänelgän ike faraz bulıp tora.

Makedoniä eçke eşlär ministrı, Gordona Jankulovska, parlamenttä yasağan çığışınd, düşämbe könge waqiyğada säyäsi säbäblär bulu farazların kire qaqtı.

“Cinäyätçelekkä qarşı köräşne häm bu tör cinäyätçelek mäsäläseñ säyäsi qısalarğa sıydırıp bulmastır dip ışanabız, bu iminlek mäsäläse belän bäyle tügel” Läkin, Sotsial Demokrat partiäse başlığı, Radmila Sekerinska soñğı waqiyğalar, Makedoniä iminlegenä yaniy dip ışana.

“Sez monıñ ber qaza buluına ışanasız mı? Ütkän atna, Kosovoda, 90 kilogram şartlatqıç häm küp sanda qoralnıñ tabıluın Makedoniä Cömhiriäte öçen qurqınıç bulmas dip ışanasızmı? Kosovo xaqimiäte häm xalıqara räsmilär, qorallarnıñ Kosovoğa, Mekodoniädäñ Cibärelä alunuı xaqında äytde.”

Älegäçä, Makedoniäneñ töp Alban oppozisiä partiası, bu xaqta ber añlatma birmäde, soñgı waqıtta Kosovoda bulğan waqiyğalarğa bitaraf buluı küzätelä.

Kosovanıñ bäysezlek taläbe mäsäläsendä töbäktäge etnik törkemnär häm alban köpçelege arasındağı kiyerenkelekne arttıra. Kosovonıñ bäysezlegeñ xäl itüdä Kosovo häm Serbiä Räsmiläre arasında xalıqara kileşü oyıştıru öçen BMO, dekabr axırında qadär möddät birgän ide.

Kosovo 1999nçı yılğı suğıştañ birle BMO qaramağı astında.
XS
SM
MD
LG