Accessibility links

якшәмбе, 11 декабрь 2016, Казан вакыты 14:56

Yuşenkonıñ Rusiägä ğäyepläwlär belderüe artında ni tora?


Ukraina prezidentı Viktor Yuşenko, anı ağulağan dioksin Rusiädä eşlängän buluyı mömkin, dip belderä. Ul, 2004 yılda bulğan ağulanuda turıdan turı Rusiä xökümäten ğäyeplämi. Ämma Yuşenko, böten faktlarnı bergä cıyğaç, sälämätlekkä zıyan kiterü omtılışı ber keşeneñ ğenä eşe bulmağan, di. Yuşenko, bu eşne tikşerergä yärdäm sorap Rusiägä yasağan möräcäğätlärebez cawapsız qaldı, dip tä belderde. Rusiäneñ Ukrainadağı ilçese, Viktor Çernomırdın, isä bu ğäyepläwgä ğäcäplänü belderde. Säyäsät belğeçläre moña nindi bäyä birä?

Viktor Yuşenko prezident saylawaldı kampaniäse barışında 2004 yılda awırıp kitä. Ul Venadağı xastaxanägä salına. Anda tabiplar, ul nurlanışlı dioksin belän ağulanğan bulğan dip äytä. Yuşenko isän-qala häm Qıyevqa qayta.

Xäzer Ukraina prezidentı Yunşenko, Rusiäne anıñ ağulanunı tikşerü eşen totqarlawda ğäyepli. Sişämbedä, Dnepropetrovskiyda yasağan belderüendä Yuşenko, dönyada 3 kenä urında nurlanışlı dioksinnı tabıp bula, alarnñ berse – Russiä, dide.

Dioksin analizları, Rusiädän qala, dönyadağı bar laboratiälärdä eşlände. Min, bu eş anda da, yaqın arada eşläner dip ömetlänäm. Tikşerü barışı öçen kiräkle 3 keşe xäzer Rusiädä. Bu keşelärne Ukrainağa tapşıru turındağı baş prokuraturağa yasalğan möräcäğätlärebez cawapsız qalıp bardı. Şul isäptän, minem üzemeñ dekaberdä, Rusiä prezidentına, yärdäm sorap yasağan möräcäğätem dä” - dide Ukraina Prezidentı Viktor Yuşenko.

Ul, dioksinnıñ qaydan kilüen açıqlaw bik ciñel, di. Rusiä dioksinğa yasalırğa tieşle analiznıñ näticälären cibärmäğän. Bu, Yuşenko äytkänçä, tikşerü eşeneñ mömkinleklären çikli. Yuşenko, be eştä teläktäşlek kürsätü - Mäskäwneñ äxlaqi burıçı. Qanun idärä itkän illär öçen cinäyätlär öçen caza birelü möhim, di ul.

Londonda çığuçı “The Times” häm frasuz basması “Le Figaro” gäzitlärenä birgän äñgämälärendä Yuşenko Rusiäneñ bu eştä qatnaşlışı bulğan, dip äytüdän az ğına totılıp qala. Läkin anda ul bu ayırım keşeneñ eşe genä bulmadı, di. Ul, böten kisäklär bergä ciyılğan häm tikşerü axırğı, açıqlaw öleşenä yaqınlaşa, dip xäbär itä.

Mäskäw Kremlennän bu süzlärgä ber nindi reaksiä kürsätelmäde. Ämma Rusiäneñ Qıyeıvtağı ilçese Viktor Çernomırdın belderü belän çıqtı. Ul, ğäcäplänü belderde häm Qıyıvtan ağulaw eşen tikşerü eçendä yärdäm sorap yasağan möräcäğätlär turında belmädem, dide. “Tik torğanda şundıy ğäyepläwlär belderelä. Sorarğa, möräcäğät itärgä bula ide. Kemgä häm qayda möräcäğät itkän. Min bu xaqta bernärsä dä belmim. Min gel monda buldım. Berniçä tapqır prezident häm başqalar belän dä oçraştım. Mondıy sorawlar turında, biğräktä prezidentnıñ möräcäğäte turında berençe işetäm” - dide Viktor Çernomırdıyn.

Rusiä Kremlenä yaqın säyäsät belgeçe Sergei Markov bolay di: “Yuşenko - rusofob, ruslarnı häm Rusiäne kürä almıy. Ul Rusiäne närsädäder ğäyepläw öçen ber mömkinlekne dä ıçqındırmıy. Ul xäzer Britanaiädä başqa illärgä yörgän, Rusiä yañğırawıqlı ütereşlär häm ağulanu eşlären tikşerüğä qarşılıq kürsätä, digän süzlärne qullana. Mäsälän Rusiä Litvinenko eşen tikşererä irek birmi digän ğäyepläw. Yuşenko barı tik şul ürnäkne qullana.”

Ni säbäple Yuşenko şundyı ğäyepläwlärne belderü öçen 3 yıl kötkän? Ukrainadağı säyäsi belgeç Kost Bondarenko, mondıy belderülär Yuşenkoğa üzenä häm anıñ “Bezneñ Ukraina” säyäsi bloğına saylaw aldı çorında faydalı bula ala di. “ Bu bernidi nigezsez ğäyepläwlär. 2 yıl elek, Ukrainanıñ eçke eçlär ministrı Yuri Lutsenko, ağulanu eşe açıqlandı häm ğäyeple keşelärneñ kem buluı bezgä mäğlüm digän ide. Xäzer alar bu xäldän çığu yullın ezli. Keşelär, Gongadzenıñ ülemendä, milli banknıñ elekke başlığı Hetmannıñ, Yuşenkonı ağulawda kem ğäyeple digän sorawarlarnı torğan sayın kübräk birä başladı.”- di Bondarenko.

Bikä Timerova.
XS
SM
MD
LG