Accessibility links

җомга, 9 декабрь 2016, Казан вакыты 04:56

AQŞ: Bush, Petraus yasağan täqdimnärne qabul itärme?


AQŞ Prezidentı, George Bush, irtägä Qazan waqıtı belän irtänge säğat 5tä Ğiraqqa qarata kiläçäk planlar turında çığış yasar dip kötelä. Prezident, Ğiraqtağı Xärbi Baş Citäkçeneñ, kiläse cäygä qadär Ğiraqtağı östämä 30 meñ ğaskärne kire qaytaru taqdimen qabul itär dip farazlana.

General David Petraus, bu atna Kongres aldında yasağan çığışında, kiläse cäy axırına qadär 30 meñ ğaskärine kire qaytarırğa kiräk dip ışanğanıñ beldergän ide.

“Min, iminlekne qurqınıç astına salmastan, xäzergäçä suğışıp yawlanğan uñışlarnı quldan cibärmiçä kiläse cäy axırına qadär üz köçlärebezneñ sanıñ elekke sanına qaytarırbız dip ışanam.”

AQŞ Däwlät Sekretarı Condelleeza Rice isä, Amerikan kanallarınıñ bersendä birgän äñgemäsendä, Ğiraqtağı xärbi uñışlarnı telgä alıp, AQŞ xärbiläreñ kimetelüe mäsäläsenä açıqlıq kertep bolay äytde.

“Bu - Ğiraqta ireşelgän uñışlarnı köçländerüneñ başı, bu uñışlarnı cäyelderü, cawaplılıqnı, iminlek saqlarğa öyrätelgän Ğiraq köçlärenä tapşıru. Häm azraq sanda Amerikan ğaskärläreneñ - Ğiraq köçläre cilkäsenä başqa wazifalarnı da tapşıru. Bu Ğiraqnıñ berdämlegen häm iminlegen buldıru kebek ük - mänfäğätlärebezneñ berse bulıp tora..’

Läkin oppozisiädäge demokratlar, Petraeusnıñ bu taqdimen şik belän qarşı aldı.

Alar, AQŞnıñ, kiläse cäy ğiyraqtañ ğaskär çığarudañ tış başqa çarası yuq dide.

Kongresdäge, demokratlarnıñ kübese, Ğiraqtağı AQŞ köçlären qısqa waqıt eçendä häm küp sanda kimetep, suğışçı ğaskärlärneñ dä kübesen 2008çe yılğa qadär qaytarırğa çaqırdı.

Senatıda küpçelekne täşkil itkän demokratlar başlığı, Harry Reid, General Petreaus yasağan täqdimdä üzgäreşlär yuq dip belderep häm qabul itelelä almaslıq dip atadı.

Demokrat partiäseneñ Prezidentılqqa namzät Senatır Hillary Clinton yasağan çığış isä tänqitkä tağın da bay ide.

Monıñ kiläçäktä xalıq fikeren niçek üzgärtä alaçağı mäsäläse älegä belgesez. Soñğı fiker alu näticälärenä qarağanda, Amerikan xalqınıñ yartısınnañ artığı diärlek, Ğiraqtağı suğışnı zur ber xata dip kürä. Alar östämä ğaskär cibärelüe belän andağı xällärneñ yaxşıraçağına ışanmi.
XS
SM
MD
LG