Xökümät citäkçese urınına hiç kötelmägän ber keşene täqdim itep, Rusiä prezidentı çirattağı märtäbä bar dönyanı şaqqattırdı. Zamanında Mixail Fradkov belän dä şulay bulğan ide. Küptän tügel saqlanu ministrı urınına xärbi täcribäse bulmağan elekke mebel satuçısı bilgelände. Här oçraqta prezidentnıñ şäxsän üzenä bulğan tuğrılıq bülgelänü öçen töp şartlarnıñ berse bulıp tora. Çın demokratiä ilendä monı küz aldına kiterüe qıyın, älbättä.
Şulay da, ni öçen näq menä Viktor Zubkov? Bu sorağwa cawap ezlär aldınnan, başta, ğomümän, kem soñ ul Viktor Zubkov, digän sorawğa cawap birü kiräk.
Soñğı ber täwlek eçendä jurnalistlar qazıp çığarğan mäğlümätlärdän şul mäğlüm buldı:
Viktor Zubkov ğomereneñ zur öleşen Leningrad ölkäsendä, awıl xucalığında eşläp ütkärgän. Läkin 1992-93 yıllarda qısqa ğına waqıt eçendä Peterbur meriäsendä Putinnıñ urınbasarı bulıp alğan. Küräseñ, şul citkän dä. Soñğı yıllarda ul Rusiäneñ finans küzläw idaräsen citäkli. Bu şimbädä aña 66 yäş tula.
Qayber küzätüçelär Putinnıñ saylawın Zubkovnıñ soñğı eş urını belän añlata. Yänäse, xökümättä korrupsiäneñ çäçäk atuı ber kemgä dä ser tügel, ministrlar üzläreneñ millioner buluın berkemnän dä yäşermi, elekke finans ministrı urınbasarınıñ xatınına 55 million dollarlıq asıl taş büläk itüe turında Rusiä matbuğatı yaza. Zubkov bu xällärne tamırınnan belä. Putin bu adımı belän korrupsiäne qorıtmaqçı, di alar.
Atankiç Dumada fraksiä citäkçeläre belän oçraşqannan soñ Zubkov xökümättä üzgäreşlär bulaçağın açıqtan-açıq äytte.
Putinnıñ kiläse adımı nindi bulır, şuşımı inde küptän kötelgän waris, digän soraw tağı da mawıqtırğıçraq.
Qayber küzätüeçlär fikerençä, Zubkovnıñ premier itep bilgelänüe, anıñ kiläse prezident bulaçağın añlatmıy. İke töp namäzt, vitse-premier Dmitriy Medvedev häm bigräk tä Sergey İvanovnıñ prezident bulu ixtimalı äle dä yuğarı, di alar häm menä närsägä iğtibar itä: Zubkovnıñ bilgelänüe turında iñ berençe añlatmanı näq menä İvanov birde. Ul monı çärşämbedä Qazannan qaytıp töşkän Valdai klubı äğzaları belän bulğan oçraşuında yasadı. Äytkändäy, moñarçı Valdaiçılarnı Putin üze qabul itä ide.
Şul uq waqıtta, warisnıñ iseme inde mäğlüm, Rusiäneñ kiläse prezidnetı näq menä Viktor Zubkov bulaçaq, diyüçelär dä bar. Alarnıñ mantıyğı bik ğadi häm şuña bik ışanıçlı kürenä. Putinğa tuğrı bulğan Zubkov waqıtlı prezident bulaçaq, di alar. 4 yıldan soñ aña 70 yäş tulaçaq häm ul urının kire Putinğa qaytaraçaq. Putinnıñ äle çäçäk atqan çağı, Konstitutsiägä xilaflıq kitermiçä ul känäfienä qabat menep utıraçaq.
Şuşı faraznı totuçılarğa Viktor Zubkov bügen üze dä ömet çatqısı birde. Ber jurnalistnıñ, sezneñ prezident bulu niätegez barmı, digän turı sorawına, Zubkov, premier wazıyfasın uñışlı ğına başqarsam, andıy ixtimal da bar, digän cawap qaytardı.
ali ğilmi
Şulay da, ni öçen näq menä Viktor Zubkov? Bu sorağwa cawap ezlär aldınnan, başta, ğomümän, kem soñ ul Viktor Zubkov, digän sorawğa cawap birü kiräk.
Soñğı ber täwlek eçendä jurnalistlar qazıp çığarğan mäğlümätlärdän şul mäğlüm buldı:
Viktor Zubkov ğomereneñ zur öleşen Leningrad ölkäsendä, awıl xucalığında eşläp ütkärgän. Läkin 1992-93 yıllarda qısqa ğına waqıt eçendä Peterbur meriäsendä Putinnıñ urınbasarı bulıp alğan. Küräseñ, şul citkän dä. Soñğı yıllarda ul Rusiäneñ finans küzläw idaräsen citäkli. Bu şimbädä aña 66 yäş tula.
Qayber küzätüçelär Putinnıñ saylawın Zubkovnıñ soñğı eş urını belän añlata. Yänäse, xökümättä korrupsiäneñ çäçäk atuı ber kemgä dä ser tügel, ministrlar üzläreneñ millioner buluın berkemnän dä yäşermi, elekke finans ministrı urınbasarınıñ xatınına 55 million dollarlıq asıl taş büläk itüe turında Rusiä matbuğatı yaza. Zubkov bu xällärne tamırınnan belä. Putin bu adımı belän korrupsiäne qorıtmaqçı, di alar.
Atankiç Dumada fraksiä citäkçeläre belän oçraşqannan soñ Zubkov xökümättä üzgäreşlär bulaçağın açıqtan-açıq äytte.
Putinnıñ kiläse adımı nindi bulır, şuşımı inde küptän kötelgän waris, digän soraw tağı da mawıqtırğıçraq.
Qayber küzätüeçlär fikerençä, Zubkovnıñ premier itep bilgelänüe, anıñ kiläse prezident bulaçağın añlatmıy. İke töp namäzt, vitse-premier Dmitriy Medvedev häm bigräk tä Sergey İvanovnıñ prezident bulu ixtimalı äle dä yuğarı, di alar häm menä närsägä iğtibar itä: Zubkovnıñ bilgelänüe turında iñ berençe añlatmanı näq menä İvanov birde. Ul monı çärşämbedä Qazannan qaytıp töşkän Valdai klubı äğzaları belän bulğan oçraşuında yasadı. Äytkändäy, moñarçı Valdaiçılarnı Putin üze qabul itä ide.
Şul uq waqıtta, warisnıñ iseme inde mäğlüm, Rusiäneñ kiläse prezidnetı näq menä Viktor Zubkov bulaçaq, diyüçelär dä bar. Alarnıñ mantıyğı bik ğadi häm şuña bik ışanıçlı kürenä. Putinğa tuğrı bulğan Zubkov waqıtlı prezident bulaçaq, di alar. 4 yıldan soñ aña 70 yäş tulaçaq häm ul urının kire Putinğa qaytaraçaq. Putinnıñ äle çäçäk atqan çağı, Konstitutsiägä xilaflıq kitermiçä ul känäfienä qabat menep utıraçaq.
Şuşı faraznı totuçılarğa Viktor Zubkov bügen üze dä ömet çatqısı birde. Ber jurnalistnıñ, sezneñ prezident bulu niätegez barmı, digän turı sorawına, Zubkov, premier wazıyfasın uñışlı ğına başqarsam, andıy ixtimal da bar, digän cawap qaytardı.
ali ğilmi