Accessibility links

шимбә, 10 декабрь 2016, Казан вакыты 08:23

Dollarnıñ qıymmäte nigä töşä?


Dönyanıñ iğtibarı bu könnärdä dollarnıñ bäyäsenä yünälgän. Bügen dollarnıñ yevro belän çağıçtırğanda bäyäse moña qadär bulmağan tübän däräcäğä töşte. Ber 1 evro 1.39 dollar isäbe belän almaştırıla. Bu töşü Amerikanıñ iqtisadında bulğan qıyınlıqlar täesirendä bulğan, dip farazlana. Dönya bazarlarındağı xäl Rusiägä dä täesir itte. Bügen dollarnıñ rublgä qarağanda bäyäse dä töşte, rublneñ qıymmäte arttı. Belgeçlär, Russiä rublneñ nığuı aldağı könnärdä dä däwam itär dip farazlıy.

Dollarnıñ töşüe üzenä kürä yaña närsä tügel. Amerikadağı ipoteka kreditları bazarındağı qatlawlı xäl täesirendä amerika aqçasınıñ başqa aşqalarğa qarağanda qıymmäte töşä başlağan ide inde. Soñğı töşü, dollarnıñ iñ tübän däräcägä tägäräwen niçek añlatıp bula. Säbäplärneñ berse itep, awıl xucalığına qaramağan tüläw külämläreneñ basılıuı, küplär öçen avgustta eş urınnarınıñ kimüe kötelmägän xäl bulğan. Londondağı BNP Paribas bankı wäkile İan Stannard bu xaqta bolay di: “Bü Amerika iqtisadınıñ sälämätlegen bilgeläwçe kürsätkeç bulıp tora. Häm AQŞnıñ iqtisadı töşänkellekä kerü başlağanın kürsätä. Monı bez Federal Qazna sekretare Paulsnnıñ töşenekelek kötkännän ozağraqqa barırğa mömkin, digän süzlärennän añladıq. İnvestotlar bazardağı qıyınılqlar farazlanğannan ozağraqqa barır dip qurqa .Şuña dollarnıñ töşü däwam itär dip kötergä bula”

Şulay itep Amerikada toraq kreditları ölkäsendä başlanğan qıyınlıqlar iqtisadnıñ başqa tarmaqlarına da ütep kerä başlağan. Dönya bazarlarına AQŞ üzäk bankı, Federal Rezerv sistemınıñ protsentlar kimü turındağı qararın kötte. Bu investorlarnıñ dollarğa bulğan qızıqsınuın kimette. AQŞ Federal rezerv sistemı idäräçeläre ciyılışı 18 sentäberdä bulırğa tieş. Dollarnıñ başqa açqalarğa almaştıru bäyäse dä şul säbäple kimergä mömkin. Ämma belgeçlär, protsentlar kimetü sannarı iğlan itelgännn soñ da, dollarnıñ almaştıru kursı töşen däwam itäçäk dip sanıy belgeçlär. Mäsälän Londondağı belgeç James Hughes, şundyılardan. : “Uylawımça yevro-dollar almşatıru kursı 1.40 tiräse bulaçaq. Bez aña şundıy yaqın inde. Häm ul qotılğısız diyärlek. Bu ozaqqa baraçaqmı, monı äytü awır.” – di Hughes.

Londondağı ikençe belgeç Stannard tağı ta kiskenräk farazlar belderä. “Bez dollar isäbeneñ 1.40 däräcäsenä töşüen, yıl axırına 1.43 däräcäsenä citüe mömkin” - di ul.

RBC.ru , Russiäneñ iqtisadı turıda xäbärlär taratuçı internet säxifä dollar häm yevronıñ rublgä qarata bäyäläre turında farazların bastıra.

Andağı belğeçlär, döllarnıñ yevroğa qarağanda qıymmäte töşüe rublgä dä üz täesiren yasıy, dip sanıy. Bügenge alış-bireşlärdä Amerika aqçasınıñ rublgä qarata bäyäse berniçä tiengä töşte. Belğeçlär, dönya bazarında dollar bäyäse nıq töşsä dä, Russiä aqçasına qarağanda anıñ kursı äz-äzläp üzgärä dip belderä. Yaqın könnärdä analitklar, rublneñ üsüen, dollar qıymmäteneñ töşüen kötä.
XS
SM
MD
LG