Accessibility links

шимбә, 3 декабрь 2016, Казан вакыты 20:40

Dönya matbuğatı Putinnıñ Zubkovnı kiterüe turında


Britaniädä çığuçı Economist jurnalı bu atnada internetta Viktor Zubkovnıñ kem buluı turında mäğlümät, xätta anıñ fotosın bik qatı ezlilär, härber xökümät almaşuı sorawlar uyata, ämma kem ul digän soraw bu qädär ük küp birelmi dip yaza.

Jurnal bu sorawğa 2 jawap ta birä. Qısqa cawp 65 yäşlek yaña premyer ministr elekke kolxoz citäkçese 1990 yıllarda Piterburda Putin belän bergä eşlägän.

Tiränräk cawap, Zubkov Kremlneñ Putin wazıyfasınnan kitkäç Rusiäne citäkliäçäk keşene saylaw manevrlarınıñ ber öleşe.

Zubkov elekke premyer Mixail Fradkovtan ällä ni ayırılmıy. Xökümätne almaştıru waris operatsiäse dip atalğan yäşeren protsessnıñ ber öleşe dip yaza Economist.

Mäqälä bolay tämamlana. Çınlıqta Mäskäwdäge Karnegie Üzäge wäkile Maşa Lipman äykänçä, Rusiä xakimiäten öytänüçe bügenge belgeçlär Qızıl mäydandağı politbüro äğzaları fotolarına säğätlärçä qarap utırğan elekke belgeçlärdän ällä ni ışanıçlıraq tügel. Bez yuğarıdan kilgän signallarnı üzebezçä añlarğa mäcbür. Qarar qılu eşläre tulısınça yäşeren. Ul däwlätne xalıqtan ayırunı añlata. Häm bu Putinnı da, ul saylağan warisnı da ällä ni borçımıy kebek.

Britaniäneñ Guardian gazetı Zubkovnıñ bilgelänüe xätta Rusiä xakimiäten yaxşı belgän keşelärdä dä kem soñ ul digän soraw uyattı di. 65 yäşenä qädär qarañğıda utırıp Finans Monitoring Xezmäte citäkçegelennän kitärgä cıyınğan keşe xäzer inde Rusiä prezidentı bulırğa cıyınuın belderä di Guardian.

Soñğı könnärdä küp kenä küzätüçelär äytkän faraznı Guardian gazetı da birä. Putin rättän öçençe möddätkä prezident bulıp saylanunı tıyuçı konstitutsiäne bozmıyaçağın qat-qat äytep kilde. Ämma aña kiläse yılda üz urınına ışanıçlı keşene qaldırıp torıp soñraq yañadan öçençe häm dürtençe möddätkä xakimiätkä qaytırğa berni dä qomaçawlamıy. Putin kiläse yılda Kremldän kitärgä dä mömkin, ämma ul dilbegänı üz qulınnan ıçqındırır dip berkem dä çın-çınlap ışanmıy di Guardian.

Putin Zubkovnı soñraq üze xakimiätkä qaytu öçen prezident itep quyarğa mömkin digän fiker başqa küp kenä basmalarda da qabatlana.Wall Street Journal xätta analitik Muxail Delyaginnıñ Putin yartı yäki ber yıldan uq qaytırğa mömkin digän fikeren dä kiterä.

Moscow Times Zubkovnıñ korrupsiägä qarşı köräş wäğdälärenä tuqtala.

Dikäber häm mart aylarında kötelgän duma häm prezident saylawları aldınnan Putin korrupsiägä qarşı köräşne könüzäk säyäsi mäsälä itep quydı. Putinnıñ 2001 yıldan birle Finans Monitoring Xezmäten citäklägän yaqın keşese Zubkov xökümätneñ aqça yuuğa qarşı köräşeneñ alğı sızığında bulıp çığa di Moscow Times.

Şul uq waqıtta gazeta Däwlät Strategiäse Şurası başlığı häm elekke Kreml kiñäşçese Stanislav Belkovskinıñ Rusiädä hämmä närsä korrupsiägä barıp totaşa. Min Zubkov üzen korrupsiägä qarşı räximsez köräş alıp baruçı itep kürsätep dip uylamıym. Anı bilgeläw barı PR kampaniäse genä, Xalıqnıñ iğtibarın başqa mäsälälärdän çitlätep barı tik korrupsiägä yünältü öçen eşlände digän süzlären kiterä.

Xökümättän tış Korrupsiägä qarşı komitet başlığı Kiril Kabanov şul uq Moscow Timesta Min korrupsion sistemağa qarşı köräş, bäysez mäxkamä buldıru eşen kürergä telim. Zubkov isä üzeneñ abruyın yuğarı ber korrupsion bürokratnı qulğa alu aşa kütärergä tırışaçaq häm Putinnıñ urının cılı kileş saqlaw öçen xakimiätkä kilergä aña şul citäçäk di.

Financial Times alda äle säyäsi tamaşa küp bulaçaq. Putinnıñ kötelmägän adımnarı şul tamaşanıñ ber öleşe. Mäsälän äle anıñ üzeneñ yaña eşen iğlan itäse bar. Ämma bu tamaşanıñ ni belän betäse inde yazılğan Kremldäge xäzerge törkem, şul isäptän Putin da xakimiättä qalaçaq di.
XS
SM
MD
LG