Accessibility links

Кайнар хәбәр

Politkovskaya ülemenä 1 yıl:/br "Nord-Ost" qorbannarı iskä ala


Üktäberdä, jurnalist Anna Politkovskayanıñ üterelüenä ber yıl tula. Anı iskä alu çaraları Rusiädä häm Könbatışta da planlaştırğan. Politkovskayanıñ yıllığı yaqınlaşqanda “Azatlıq” ta, anıñ mäqäläläre, alıp barğan tikşerüläre belän tanışırbız. Şulay uq, Anna Politkovskayanı professional eşe aşa belgän keşelär Azatlıq dulqınında istälekläre belän büleşer. Bügenge yazma, Anna Politkovskayanıñ “Nord-Ost” eşen tikşerüe häm şuşı faciğädä tuğannarın yuğaltqan keşelärneñ anıñ turındağı fikerläre belän tanışırbız.

2002 yılnıñ üktäberendä Mäskäwdä, Dubrovkadağı teatr üzägendä Movsar Baraev citäkçelegendäge qorallanğan törkem 800 keşene totıq itep ala. Faciğäle xäl tämamlanğannan soñ, 800dän 130 keşeneñ ülä.

Bu xäl, ul könne barğan spektakl iseme “Nord-Ost” iseme belän bilegele buldı. Teatr üzägen qulğa alıp, terroçılar Çeçnädä suğışnı tuqtatu taläben quyğan ide. Söyläşülär alıp baru öçen zalğa kertelgän berniçä keşe arasında “Novaya Gazeta”nıñ küzätüçese Anna Politkovskaya da buldı. “Nord-ost” isemle ictimaği oyışma wäkile Tatyana Karpova : “Ul Amerika Quşma Ştatlarında ide, çirattağı bülägen alırğa barğan ide. Çeçen terroçıları, söyläşüçe itep bik tiz arada Anna Politkovskayanı kiteregez dip basın yasadı. Ul şunduq böten eşen taşlap, kilep citte. Ul çeçen torroçıların totıqlarğa hiç eçemlek kitertergä künderde. Häm monı Anna eşläde. Bez barıbızda şunı äytäbez, Nord-Osta ülgän balalarıbızğa, sul isäptän minem ulıma da eläkkän soñğı yotım sunı yäki cimeş suyın Anna kitergän bulırğa mömkin” – dide.

“Nord-Ost” faciğase qorbannarı, xäzerğäçä, Dubrovkadağı terror ğamäle turında döreslekne belmibez, dip äytä. Alar xakimiätlärne binağa höcüm itkändä ğömerlärne saqlaw turında uylap citkermäwedä, eşkä salqın qarawda ğäyepli.

Dubrovkadağı faciğäle xäl turında meñlägän jurnalist yazdı, ämma soñınan, elekke totıqlar, üzläreneñ moñ- zarların söylärlek keşene taba almıy intekkän. Şulay uq totıqlar arasında bulğan ber xäbärçe, 15 yäşlek ulın yuğaltqan İrina Fadeevağa Anna Politkovskayağa möräcäğät itärgä kiñäş itkän. “Bu eşkä ul ğına alınaçaq,” digän jurnalist. Ul İrina Fadeeva belän şunduq söyläşergä rizalaşqan. Ul añanıñ balasın yuğaltudan da zurraq qayğı bulmağanın añladı häm tormışımnı saqlap qaldı di İrina Fadeeva. “Min ale yäşärmen dip uyladım, çönki min mäqälä çıqqannın köttärgä tieş idem, añarçı minem yäşär öçen säbäp yuq ide. Min ulım Yaroslav turında mäqäläne uqıdım da ikençe yamanıñ çıqqanın köttärgä buldım. Aldağı mäqälä dä Nord Ost turında ide. Min däşämbedän, atna kiçkä qädär yäşädem. Min Annanıñ gäzittä atnağa ike tapqır çıqqanın beldem. Bez gäzitneñ yaña sanı çıqqanın kötep yäşädek. Anna “Nord Ostta” ülgän balalarnıñ kübese turında yazdıq. Bez ber-berebez belän tanışıp bettek.” - di teatr üzägendä totıq bulğan İrina Fadeeva.

“Nord Ost” ictimaği oyışmanıñ wäkile Tatyana Karpova Anna Politkovskayanı bolay iskä ala : “Anna keşe xälenä kerä ala torğan, awır xäldän tatrıp çığarunı tormışıñnıñ maqsatı itep quyğan ğäcäyep şäxes ide. Ul totıqlarnıñ, bu faciğa kilep qağılğan ğailälärneñ barısın da diyärlek yörep çıqtı. Anna Politkovskaya şifaxanälär belän söyläşä, yätim balalarnı bala yortlarına urnaştıru turında kileşä, gel nindider sponsorlarnı tabıp tora ide, Anna Politkovskaya bezgä barıbızga da, böten yaqtan, bik zur yärdäm kürsätte.”

Dubrovkadağı faciğädän zıyan kürgän keşelär Anna Politkovskayanı üz oyışmasına äğzä itep alğan. Anıñ mäqäläsendä bulğan ber cömlä bu oyışmanıñ şiğärenä äylängän. “İrtägä bez alarğa tağın närsä eşlärgä irek birerbez” digän soraw quyğan bulğan ul. “Nord-Ost” oyışması wäkile, bez, xoquqlarıbıznı yaqlarğa kiräklegen añladıq dip äytä.
XS
SM
MD
LG