Accessibility links

пәнҗешәмбе, 8 декабрь 2016, Казан вакыты 21:17

Ban Ki-Moon, BMOnıñ Ğıraqqa yärdämen arttırıruğa, andağı totrıqsızlıq qomaçawlıy, di


BMO tarafınnan oyıştırılğan konferendisädä Ğıraqnıñ premyer-ministrı Nuri al-Mäliki , Ğıraqnıñ kürşe illärdän yuğarı räsmilär, dönya cämäğätçelege wäkilläre belän oçraşa aldı. Şimbä könne New Yorkta ütkän ciyında igtibar üzägendä Ğıraqtağı wäzgiätne totrıqlandıruda dönya cämäğätçelegeneñ qatnaşlığın arttıru mäsäläse buldı.

Oçraşu bu atnada bulası BMO Gomum Mäcleseneñ utırışı, anda dönya citäkçelärneñ çığışları aldınnan ütkärelde. Ğıraqnıñ Yaqın Könçığıştağı kürşelären, Mısır, Suriä, İran, Sögüt Ğäräpstanı, Ürdün, Kuwait häm Törkiäne tışqı eşlär ministrları wäkillek itte. Şulay uq, älege oçraşuda AQŞ, Rusia, Britaniä, Qıtay, Fransiä häm Yaponiädän dä tışqı eşlär minstrları buldı.

BMOnıñ general sekretare Ban Ki-Moon bu ciyınnı “uñay” häm “ömmetle” dip atadı. Ğıraq premyer-ministrı Al-Mäliki da BMO citäkçesen uñay bäyälämäsen yaqlap çıqtı. Ciyında, Ğıraqta bulğan alğa kiteşlär assızıqlandı, dide premyer-ministr. Ciyınnan soñ bulğan matbuğat oçraşuında BMO baş sekretare Ban Ki-Moon, BMO Ğıraqta tınıçlıq urnaştıruda qantaşırğa riza häm andağı xezmätkärläreneñ sanın, ildä tınıçl1q bulsa ğına arttıraçaq dide. “Ğıraqnıñ yaqın kürşeläre töbäkneñ xezmättäşlegen artuda BMOnıñ rolen arttırunı yaqlıy. Şul nisbättän küplär, çiklärneñ iminlegen arttrığa kiräk di. Xalıqara cämäğätçelek Ğıraqnı kürmämeşkä salışa almyı. Andağı totrıqlılıq bezneñ urtaq eşebez.”- dide Ban Ki-Moon.

BMOnıñ Ğıraqtağı eşe 2003 yılda başlangan ide. Ämma bu yılnıñ avgustında BMOnıñ Bağdattağı wäkilçelege şartlatılğaç, 22 xezmätkär üterelgän ide. BMO wäkilläre xäzer Ğıraqta çiklängän kileş eşli. Bağdatta 65 keşe, Erbileda 30 keşe BMO isemennän eş itä. Ğıraq premyer ministrı BMO wäkilläreneñ Ğıraqta buluı ildä tatulaşuğa ireşügä yärdäm itärgä mömkin di. Nuri Al- Mäliki söyli : “ İqtisadi, sotsial häm säyäsi wäzğiätkä kilgändä, härkem Ğıraq xakimiätlärenä teläktäşlegen belderde. Wäkilçeleklärneñ belderüe çınlıqta ildäge tatulaşuğa da teläktäşlek itep yañğıradı. Däwlät küläm tatulaşu – tınıçlıq, iminlek häm totrıqlıqnñı berdänber yulı bulıp tora”.

BMO general sekretare, dönya cämäğätçelege wäkilläreneñ Ğıraqta urnaşuı imin bulsa, BMO andağı wäkillçelegen arttara ala, dide.
XS
SM
MD
LG