12 sentäberdä Viktor Zubkov yaña premier itep bilgelängännän birle, anıñ xökümätendä kem qalır da, kem kiter digän uylanular Rusiä türälärenä ike atna buyı tıñğılıq birmäde. Nixayät, düşämbedä Rusiä prezidentı Vladimir Putin bu azaplanularğa noqta quydı. Soçidağı utırmasınnan qaytıp, kiçke säğät 9-larda ütkärgän xökümät utırışında ul ilneñ yaña xökümäten iğlan itte:
"Min yaña premier Viktor Zubkov citäkçelegendä yaña xökümät bez sezneñ belän häm deputatlar belän bilgelän maqsatlarnı ciñ sızğanıp tormışqa aşırır dip bik nıq ömetlänäm" dide Rusiä prezidentı.
Yaña xökümätne şartlı räweştä genä yaña dip bula. Premiernıñ üzen häm tağın 3 ministrnı sanamağanda xökümättä barısı da üz urınnarın saqlap qaldılar. Xättä premiernıñ kiyäwe bulu säbäple saqlanu ministrı urınınnan kitergä sorağan Anatoly Serdyukov ta üz urınında qalaçaq.
Säyäsi küzätüçe Stanislav Belkovski Putinnıñ citdi üzgäreşlärgä barmawın saylawlar aldınnan totrıqlılıqnı saqlaw niäte dip bäyäli:
"Xökümät zur üzgäreş kiçermäde. Bu Putinnıñ wazğiätne çayqatmaw, totrıqlılıq saqlaw säyäsäte köçendä qala digän süz" di Stanislav Belkovski.
Urınnarın yuğaltqan 3 ministr – Säwdä häm iqtisadi üseş ministrı German Gref, Sälämätlek häm Sotisal üseş ministrı Mixail Zurabov, töbäk üseşe ministrı Vladimir Yakovlev. Alarnıñ kitäçäge aldan farazlanğan ide.
"Alar öçese dä saylawlar belän bäyle äyberlär öçen cawap birä ide: toraq-komunal xucalıq, sälämätlek saqlaw häm iqtisad. Bu saylaw aldı qorbannarı, başqaça atap bulmıy" di tağın säyäsi küzätüçe Dmitry Oreşkin.
German Gref urının anıñ urınbasarı Elvira Nabiullina alaçaq. Şulay itep, çığışı belän Ufadan bulğan Elvira Saxipzad qızı Nabiullina, Rusiä xökümätendä Räşit Nurğalievtan soñ ikençe millättäçebez bulaçaq.
Rusiäneñ yaña xökümätendä tağın ber yaña üzençälek – ul da bulsa – tuğan-tumaçalıq. Kiyäw belän babaydan tış, anda xäzer ir belän xatın da bar. Yaña sälämätlek häm sotsial üseş ministrı itep Tatyana Golikova bilgelände. Ul Sänäğät häm energetika ministrı Viktor Xristenkonıñ xatını bulıp tora.
Nixayät, töbäk üseşe ministrı itep prezidentnıñ könyaq bülgedäge wäkile Dmitriy Kozak bilgelände.
4 vitse-premiernıñ barısı da üz urınnarın saqlap qaldılar – Sergei İvanov, Dmitriy Medvedev, Sergei Narışkin häm Aleksand Jukov. Alarğa östäp Finans ministrı Aleksei Kudrin 5nçe vitse-premier itep bilgelände. Küzätüçelär monı xökümättä Kudrinnıñ däräcäse artuı dip bäyäli.
ali ğilmi
"Min yaña premier Viktor Zubkov citäkçelegendä yaña xökümät bez sezneñ belän häm deputatlar belän bilgelän maqsatlarnı ciñ sızğanıp tormışqa aşırır dip bik nıq ömetlänäm" dide Rusiä prezidentı.
Yaña xökümätne şartlı räweştä genä yaña dip bula. Premiernıñ üzen häm tağın 3 ministrnı sanamağanda xökümättä barısı da üz urınnarın saqlap qaldılar. Xättä premiernıñ kiyäwe bulu säbäple saqlanu ministrı urınınnan kitergä sorağan Anatoly Serdyukov ta üz urınında qalaçaq.
Säyäsi küzätüçe Stanislav Belkovski Putinnıñ citdi üzgäreşlärgä barmawın saylawlar aldınnan totrıqlılıqnı saqlaw niäte dip bäyäli:
"Xökümät zur üzgäreş kiçermäde. Bu Putinnıñ wazğiätne çayqatmaw, totrıqlılıq saqlaw säyäsäte köçendä qala digän süz" di Stanislav Belkovski.
Urınnarın yuğaltqan 3 ministr – Säwdä häm iqtisadi üseş ministrı German Gref, Sälämätlek häm Sotisal üseş ministrı Mixail Zurabov, töbäk üseşe ministrı Vladimir Yakovlev. Alarnıñ kitäçäge aldan farazlanğan ide.
"Alar öçese dä saylawlar belän bäyle äyberlär öçen cawap birä ide: toraq-komunal xucalıq, sälämätlek saqlaw häm iqtisad. Bu saylaw aldı qorbannarı, başqaça atap bulmıy" di tağın säyäsi küzätüçe Dmitry Oreşkin.
German Gref urının anıñ urınbasarı Elvira Nabiullina alaçaq. Şulay itep, çığışı belän Ufadan bulğan Elvira Saxipzad qızı Nabiullina, Rusiä xökümätendä Räşit Nurğalievtan soñ ikençe millättäçebez bulaçaq.
Rusiäneñ yaña xökümätendä tağın ber yaña üzençälek – ul da bulsa – tuğan-tumaçalıq. Kiyäw belän babaydan tış, anda xäzer ir belän xatın da bar. Yaña sälämätlek häm sotsial üseş ministrı itep Tatyana Golikova bilgelände. Ul Sänäğät häm energetika ministrı Viktor Xristenkonıñ xatını bulıp tora.
Nixayät, töbäk üseşe ministrı itep prezidentnıñ könyaq bülgedäge wäkile Dmitriy Kozak bilgelände.
4 vitse-premiernıñ barısı da üz urınnarın saqlap qaldılar – Sergei İvanov, Dmitriy Medvedev, Sergei Narışkin häm Aleksand Jukov. Alarğa östäp Finans ministrı Aleksei Kudrin 5nçe vitse-premier itep bilgelände. Küzätüçelär monı xökümättä Kudrinnıñ däräcäse artuı dip bäyäli.
ali ğilmi