Accessibility links

җомга, 9 декабрь 2016, Казан вакыты 13:04

BMO: Bush häm Axmädinäcatnıñ urtaq fikerläre dä bar ikän


Sişämbe könne, Berläşkän Millätlär Ğömüm Mäclese aldında, Amerika Quşma Ştatları prezidentı George Bush belän İran prezidentı Mäxmüd AxmädiNäcat çığış yasadı. Waşiñton belän Tähran arasında, atom programı häm Ğiraqnı basıp alu kibek nizaqlar tiräsendä kiyerenkelek arta barsa da, ni ğacäp ike prezidentneñ çığışları süz talaşuına äylänmäde. Alay da İrannıñ atom programması tiräsendäge kierenkelek – citäkçelär çığışlarında telgä alınmıy qalmadı.

Bush belän AxmädiNäcat, BMOda yasağan ayrım çığışlarında, ikese dä urtaq ike noqtada kileşerbez dip uylamağannardır.

Läkin yarlılıq häm BMO reformaları mäsäläläre ike prezidentnı yaqınayttı.

AxmädiNäcat faqirlek cäfaları xaqında bolay fiker bäyan itte:“ Kön dä 800 million keşe, tamağı tuymıyça yuqlarğa yata, 980 million keşe isä çıñ yarlılıqtañ cäfalana, yağni satıp alu köçe könenä ni barı 1 dollar da kimeräk. 39 ilneñ xalqı, dönya xalqınıñ 9 %-nıñ ğömer ozınlığı 46 yäşkä qadär. Bu, bay illärdä yäşäğän keşelärnekennäñ 32 yılğa qısqa. Dönyanıñ qaysı ber cirlärendäge baylar belän yarlılar arasındağı ayırma 40 tapqırğa artqan. Küp illärdä keşelär mäğariftäñ mäxrüm."

Buş, BMOnıñ wazifalarınnañ berse, yarlılıqnı häm çirlärne kimetergä bulışu di,

“Millionlağan bala açlıqtan ülä ikän, yäisä çirki virüsennäñ qırıla ikän dimäk bez dönyağa bulğan wazifabıznı tiyeşleçä ütämibez. Ägärdä barlıq keşelär Global baylıqtañ mäxrüm qala ikän, bezneñ xällär küpkä naçarayaçaq.”

AxmädiNäcat , BMOnıñ İminlek şurasıñ, ışanıçlılığın yuğalta baruın häm yasağan täqdimnäre belän kileşmägän illärnä qarşı, üzeñ xaqim häm xökem birüçe bularaq kürüdä ğayepläde.

40 minutlıq çığışında AxmädiNäcat, AQŞ säyäsätenen törle yaqların tänqitläde. Ul AQŞ nıñ isemeñ qullanmasa da äytmäsädä, qaysı il turında söylägäne belenep tora ide.

"Qaysı ber köçlär tarafınnañ, keşe xoquqları bozıla. Bigräktä üzlären xökem berüçe advokat bularaq kürgän köçlär tarafınnañ. Yäşeren törmälär salu, keşelärne törmägä utırtu, alırnı xökem itü häm alarnı cäzalawlar, şäxsi tilifunda söylägännärne tıñlaw, mail-xatlarnı uqu ğadäti äybergä äwerelde häm böten cirne urap aldı."

Çıñlıqta, AxmädiNäcat aña qarata “zur köç” yäisä “ğorır köç” diyü ya=da AQŞnıñ isemeñ, ber ike cirdä turıdañ turı telgä aldı. Ä Ğiraq turında süz barğanda isä Amerikanı basıp kergän il bularaq atadı.

Amerikannarnıñ, ciñelülären iğlan itep, Ğiraqtañ çığıp kitärgä qıyulıqları citmi dide.

Bu qaynar temalardañ berse bulğan atom programası mäsäläsendä isä, İran prezidentı, İrannıñ Atom qoralları citäşterergä isäpläre bulmağanın, böten ğamällärneñ tınıç häm açıq buluın belderde.

“Soñğı ike yılda, İminlek şurasında bulğan köçenä tayanıp, qaysı ber Ğorur köçlär xärbi tıqşınular yasaw häm iqtisadi çikläwlär kertü belän yanadı. Ä xodayğa häm xalıqızbınıñ berdämlegenä bulğan ışanıçlığıbız belän, İran alğa adım-adım däwam itäçäk. Häm xäzer İrannıñ sänäğati il bularaq, yağulıq köçen tınıç qararlarda qullana alu köçe bar.”

Axmädi Näcat, Minem uyımça İrannıñ atom programı bäxäse inde bette, tora bara ğadäti ber köndälekkä äwerelde dide.

Bushnıñ bügen irtän yasağan çığışında, İrannıñ atom programı yäisä AQŞnıñ İrannıñ Ğiraqtağı terrorçı häm ğisyançılarğa yärdem itüe ışanıçı xaqında ber närsä äytmäwe tıñlawçılarnı bik şaqqattırdı. Ul Ğiraqtağı suğış turında ber ni äytmäde.

Ul anıñ urnına, Universal keşe Xoquqları kileşüenä tuqtalıp, anıñ keşe ireklege tarixında bulğan näticäse xaqında söyläde.

BMO wäkilläreneñ kübese Bush äytkän küp süzlär belän kileşmäsädä, ber genä kileşengän urtaq fiker bar ide. Ul da bulsa, dönya illäreneñ, dönyadağı: yarlılıq mäğarifätsezlek açlıqqa, qan quyular häm zolımgä qarşı çara kürü mäsäläse ide.
XS
SM
MD
LG