Accessibility links

Yañı hepertke, yäki Başqortostanda ağrariy Zubkov häm Qatın-qıź ministrźarğa qaraş


İl xökümätenä yañı premer-ministr häm yañı ministrźar täğäyenläneüźe küptär Yañı hepertke tigän mäqäl menän bäyle kürä. Däülät Yıyılış- Qoroltay deputatı Güzäl Sitdıkova kabinetqa qatın-qıź ministrźar täğäyenläneüe ildäge sotsial mäsälälärgä iğtibar artır tigän ömöttä. Başqortostanda ğümämän, Elvira Näbiullinanıñ iqtisadi üśeş ministrı itep täğäyenläneüe xaqındağı yañılıqtı nıq şatilanıp qarşı aldılar. Ni tihäñ dä Öfölä tıuıp üśkän qıź bit. Ul uqığan 31-se mäktäptä arxivta soqonop Elvira Näbiullina isemenä bäyle doqumenttarźı la tapqandar. Mäktäp uğa attestat bireüźe terkägän jurnaldı xäźer bik qäźerläp haqlayasaq. Elvira Näbiullinanıñ uqıtıusıları unı teüäl fändärźe nıq yaratauın xäterläy. Unı 5 yıl buyı matematinanan uqıtıusı Liliä Brağina qıźźı Mäskäü däülät universitetına uqırğa inergä öndägän ikän. Qatın-qıźźıñ ministr bulıuında timäk Öfönöñ qaźanışı źur ikän şul. Däülät Yıyılışı- Qoroltay deputatı Zifğät Säyetğäliew ta yañı xökümättän barı yaqşı eştär genä kötä. Auıl xujalığın yaqşı belgän keşeneñ xökümät başlığı itep täğäyenläneüe bik yaqşı tip belderźe parlamenttıñ auıl xujalığı mäsälälre menän şöğölläneüse komitetı etäksehe.
XS
SM
MD
LG