Accessibility links

пәнҗешәмбе, 8 декабрь 2016, Казан вакыты 23:02

Azärbaycan: Eşlären saqlap qalu öçen, uqutuçı häm tabiblär Naxcivanda ömägä çığa


Azärbaycannañ Ärmäni cirläre belän bülengän Naxcivan ölkäsendä, uqutuçı, tabiblär yäisä başqa däwlät büdjetında eşlägän keşelärneñ atna axırında da eşläwlären kürü, ğadäte xälgä äwerelde. Räsmi xaqimiät alar teläp eşlilär di, läkin däwlät eşçeläre isä eşlären saqlap qalu öçen, östämä eş eşläwdäñ bütän çaraları qalmawın añlata. Cirle xalıq häm keşe xoquqları aktivistläre, bu çaralar Naxcivannıñ avtoritatlıqqa taba baruın kürsätä di.

Naxcivan ölkäsendä soñgı aylarda, uqutuçı, tabib yäisä däwlät eşlärendä xezmät itkännär, atna axırında östämä ömägä, kübräk keşe köçe taläp itkän eşlärdä eşlärgä çaqırılalar. Alar baqça, basuda yäisä uramnarnı çistartu eşlärenä qatnaşrğa tiyeş.

Sovetlär waqıtında xalıq “subbotnik”lär Komunizmğa bağışlangan, mäsälän Leninneñ tugan köne kebek mäxsüs könnärdä ömägä cıyıla tora bulğan xalıq. Läkin Naxcivanda xäzer xalıq böten atna axırında diyärlek eşlärgä çığarıla.

Naxcivanıñ oppozitsiä gazetası, Yeni Musawat xäbärçese, Hekilmeldostu Mähdiyev radiobızğa waqiyğanı bolay añlata,

"Uqutuçılarğa häm budjet aqçasına eşlägän keşelärneñ mondıy eşlärdä eşläwe mäcbür. Här ber uqutuçı 200 dollarğa täñgäl kilgän 80 kilo boday eşkärtep tapşırırğa tiyeş. Ä alarnıñ alğan aqçası, ayına ni barı 60 dollar. Eşlärgä telämiseñ ikän, eştän qualar. "

Töbäktä eşsezlek problemı bik zur. Naxcivannañ küp kenä keşe eşlär öçen Törkiyägä bara.

Keşe xoquqları küzätüçeläre Naxcivannıñ tora bara üz eçendä yabıluı xaqında äytä. Başqaları anı, Tönyaq Koreaga oxşata.

Naxcivannıñ İran, Ärmänstan häm Törkiyä belän çige bar. Cirläre Azärbaycannañ ayırı bulğan Naxcivan, waqıtında köçle bäysez töbäk ide. Naxcivan Sovetlär berlege cimerelgändä berençe bulıp bäysezlek taläp itkän töbäk. Monnañ Zur azäri säyäsätçelekläre bulğan Abulfaz Älçibäy belän Xäydär Aliyevlär çıqqan. Şulayda Naxcivanda bügenge köndä, aktivistlär äytüençä oppozitsiäne yaqlaw tağın da qurqınıçlıraq.

Yeni Müsawat gazetasınıñ jurnalistı Azatlıq radiosına, qıynalğanıñ häm öy aldında qulğa alınuı xaqında söyläde. Azatlıq belän mäğlümat alışqanı öçen, aña 15 könlek törmä cäzası birelä.

Tağın ber aktivistnı Psixiatri Xästaxanäsenä ozatqannar. Qulğa alınu säbäbi, Sadaraq töbägendä kürşese bulğan militsiä başlığınnañ zarlanu. Ul sonınnañ psixiatri xästaxanäsenä ozatıla. Bakığa cibäreler aldınnañ, gazetacılar belän söyläşergä röxsat itelgän tabip, töbäktä ğadelsezleq xaqında şikayät itüdä ğayeplänä.

"Militsiä başlığı birgän diagnoz belän min monda. Min üzem tabip läkin militisä min aqıldañ yazğan digän qarar birgän. Şuña mine monda kiterdelär. İnstituttağı tabiplärgä nişlärgä miña dip sorasam, tözärgä quşalar."

Naxcivan xalqın tağın ber närsä borçıy, xäzerge xällär uzğan könnärne me xäterlätä yäisä kiläçäkne kürsätä me? Älegä isä, budjet xezmätkärläreneñ könnärendä, uramnar çistartu yäisä utın taşudañ başqa çarası yuq.
XS
SM
MD
LG