Kiçäge tapşıruda farazlağanıbızça, Nicolas Sarkozynıñ Mäskäwgä säfär çığır aldınnan Rusiä xökümäte isemenä äytkän qatı süzläre anıñ Putin belän oçraşuına az ğına da zıyan itmädegän. Rusiä prezidentınıñ Mäskäw çitendäge utırmasında ütkän kiçke aş mäclesen Sarkozy "iskitmäle eçkersez söyläşü" dip bäyäläde. Putin da Fransiäne iñ möxim partnerlarnıñ berse dip atadı.
Rusiä belän Fransiäneñ berniçä xalıqara mäsälädä, şul uq İran, Kosovo mäsäläsendä törle qaraşlarda toruı ser tügel. Çärşämbedä Kremlda ütkän söyläşülärdän soñ ike prezident jurnalistlar aldına çığıp qaraşlarnıñ beraz yaqınayuın iğlan itte.
Ber fransuz jurnalistınıñ bu yaqınayu närsädän ğibärät, sez dä İrannıñ atom qoralı yasawı belän kileşäsezme digän sorawına Vladimir Putin:
"Bezdä İrannıñ atom qoralı yasarğa cıyınuına dälillär yuq. Şunnan çığıp bez annıñ andıy plannarı yuq dip sanıybız. Şul uq waqıtta bez İrannıñ bar programnarı da ütä kürenmäle bulırğa tieş digän fiker belän kileşäbez" dide Rusiä prezidentı.
Ütä kürenmäle digännän, ike prident ta bu prinsipnı iqtisad ölkäsendä dä kürergä teläwen äytte. Sarkozy süzlärençä, ul Rusiä dusların Fransiäneñ töp tarmaqlarına kertergä äzer. Berük waqıtta ul fransuz investorlarınıñ da Rusiäneñ Gazprom kebek ere şirkätlärendä öleş alırğa teläwen äytte:
"Min prezident Putinğa äyttem: fransuz investorları Gazprom kebek zur şirkätlärneñ xissälären alırğa teli. Fransiä yağınnan bernindi yaqlawlar bulmayaçaq" dide Fransiä prezidentı.
Rusiädä keşe xoquqları torışına kilgändä, Sarkozy, bu mäsäläne Putin belän oçraşuda kütärergä cörät itmägän bulsa kiräk, şulay da, Mäskäw universitetı studentları belän oçraşuda telgä aldı. Ä Putin belän oçraşudan soñ ul keşe xoquqların yaqlawçı Memorial oyışması belän oşraşuğa kitte.
Bu oyışma Rusiä xärbiläreneñ Çeçnädä xoquq bozuları turında xäbär itep tora. Matbuğat oçraşuı waqıtında bu turıdağı sorawğa Putin, Allağa şöker, xakimiätlärneñ xataların kürsätüçe andıy oyışmalar bar. Läkin alarnı başqa illär üz faydasına qullanırğa tieş tügel dide.
Axırda Sarkozy Putinnı kiläse yıl axırında fransuz karabın ğälämgä oçıru tamaşasına çaqırğanın äytte. Prezidentlıqtan kitkännän soñ bu anıñ berençe çit il säfäre bulaçaq dide ul. Minemçä, Putin bu çaqırunı qabul itte dip östäde Fransiä prezidentı.
ali ğilmi
Rusiä belän Fransiäneñ berniçä xalıqara mäsälädä, şul uq İran, Kosovo mäsäläsendä törle qaraşlarda toruı ser tügel. Çärşämbedä Kremlda ütkän söyläşülärdän soñ ike prezident jurnalistlar aldına çığıp qaraşlarnıñ beraz yaqınayuın iğlan itte.
Ber fransuz jurnalistınıñ bu yaqınayu närsädän ğibärät, sez dä İrannıñ atom qoralı yasawı belän kileşäsezme digän sorawına Vladimir Putin:
"Bezdä İrannıñ atom qoralı yasarğa cıyınuına dälillär yuq. Şunnan çığıp bez annıñ andıy plannarı yuq dip sanıybız. Şul uq waqıtta bez İrannıñ bar programnarı da ütä kürenmäle bulırğa tieş digän fiker belän kileşäbez" dide Rusiä prezidentı.
Ütä kürenmäle digännän, ike prident ta bu prinsipnı iqtisad ölkäsendä dä kürergä teläwen äytte. Sarkozy süzlärençä, ul Rusiä dusların Fransiäneñ töp tarmaqlarına kertergä äzer. Berük waqıtta ul fransuz investorlarınıñ da Rusiäneñ Gazprom kebek ere şirkätlärendä öleş alırğa teläwen äytte:
"Min prezident Putinğa äyttem: fransuz investorları Gazprom kebek zur şirkätlärneñ xissälären alırğa teli. Fransiä yağınnan bernindi yaqlawlar bulmayaçaq" dide Fransiä prezidentı.
Rusiädä keşe xoquqları torışına kilgändä, Sarkozy, bu mäsäläne Putin belän oçraşuda kütärergä cörät itmägän bulsa kiräk, şulay da, Mäskäw universitetı studentları belän oçraşuda telgä aldı. Ä Putin belän oçraşudan soñ ul keşe xoquqların yaqlawçı Memorial oyışması belän oşraşuğa kitte.
Bu oyışma Rusiä xärbiläreneñ Çeçnädä xoquq bozuları turında xäbär itep tora. Matbuğat oçraşuı waqıtında bu turıdağı sorawğa Putin, Allağa şöker, xakimiätlärneñ xataların kürsätüçe andıy oyışmalar bar. Läkin alarnı başqa illär üz faydasına qullanırğa tieş tügel dide.
Axırda Sarkozy Putinnı kiläse yıl axırında fransuz karabın ğälämgä oçıru tamaşasına çaqırğanın äytte. Prezidentlıqtan kitkännän soñ bu anıñ berençe çit il säfäre bulaçaq dide ul. Minemçä, Putin bu çaqırunı qabul itte dip östäde Fransiä prezidentı.
ali ğilmi