Accessibility links

җомга, 2 декабрь 2016, Казан вакыты 23:06

Törkiä Tөnyaq Ğiraqqa basıp keräçäkme?


Aynıñ 12-sendә Tөrkiәdә өç kөnlek ramazan bәyrәme qotlana. Ruzә totqannar өçen zur şatlıq. Çөnki alar İslam quşqan şuşı awır vaziyfanı uñış belәn başqarğan bulalar. Lәkin bıyılğı ramazan bәyrәme Tөrkiәdә ul xәtle dә şatlıqlı qarşılana almayaçaq. Çөnki Tөrkiәdә terroisttik aktlar artqan ber waqıtqa turı kilde. Ütkәn atnada 15 Tөrek soldatı idәn astı Kөrd partizan oyışması PKK-neñ hөcüme arqılı şәhit buldı. Şuşı şәhit bulğan ğәskәrlәrneñ yartısın çığışı belәn Kөrd yәşlәre tәşkil itte. Çөnki alar da Tөrek armiәsendә wazıyfa kürәlәr ide. Yazmış şuqlığı digәndәy Kөrdlәr kөrdlәrneñ uqları, granatları, bombaları yaki minaları aşa xәlaq bulalar. Monnan elekkege atnada da 12 sivil kөrd şulay uq PKK tarafınnan üterelgәn ide.

Tөrkiәdә Kөrdlәr arasında da urtaq fiker yuq. Dөres alarnıñ barısı milli irekleklәrneñ, yәğni tuğan teldә cırlaw, radio-televiziә tapşıruları yasaw hәm uqu ireklege belәn ekonomik өstenleklәr alırğa telilәr diәrlek. Alarğa bu xoquqlarnıñ qayberlәre birelde. Xәtta Kөrdlәrneñ Demokratik Cәmğiәt Partiәseneñ 20 deputatı parlamenta ber fraksiә tәşkil itte. Bu ğına tügel 500 urınlı parlamentta başqa partiәlәrdәn parlamentqa saylanğan baytaq Kөrd deputat ta bar. Ekonomik cähәttәn qarağanda kөrdlәr arasında kәsep belәn şөgellәngәn, zur şirkәt iәse bulğan bay eşquarlar da baytaq. Başqaça әytkәndә Tөrkiәdә Kөrtçelek dәğvasın kütәrmәgәn hәr ber Kөrt tigez xoquqlarğa iә. Çөnki ber kemneñ dә pasportında ul şәxesneñ millәte yazılmıy.

Dimәk Tөrkiәdә üz vazğiәte belәn qәnәğәt bulğan hәm bulmağan Kөrtlәr bar. Tөrkiә өçen iñ mөhim qurqınıçnı bәlki dә kөrd-tөrek milli nizağınıñ qabınıp kitüwe tәşkil itә. Şul sәbәple bigrәktә ilneñ kөnyaq-kөnçığışında terror aktları oyıştırğan PKK-ğa qarşı kөrәş mәs`әlәse soñğı üterü aktlarınnan soñ tağı da kөn tәrtibenә mende. Tөrkiәneñ hәr ber өleşendә terrornı lәğәnәtlәgәn demonstartsiәlәr ütkәrelә başlandı, cәmğiәvi oyışmalar protestlar belderdelәr, universitetlarnıñ senatları nәfrәt beldergәn qararlar aldılar. Tabiği sәyәsәtçelәr, jurnalistlar da buş tormıy.

Nәticәdә xөkümәt terror arqılı barlıqqa kilgәn kөçle reaksiә sәbәple armiәgә PKK xәrbi bazaları urnaşqan Tөnyaq Ğiraqqa ütep kerergә xoquq birgәn yazu әzerlәtә başladı. Bәyrәmnәn soñ şuşı zapiska parlamentta tawışqa quyılaçaq. Bu turıda bәxeslәşülәr barğanda Diyarbakırda ber polistiә xezmәtkәre bombağa qorban kitte. Kөnçığış poezdında şartlarğa әzer bomba tabıldı.

Tөnyaq Ğıyraqqa Tөrek armiәseneñ ütep kerüwe PKK terorın tuqtatırğa өleş kerterme? Bu turıda xәtta premier Erdoğan üze dә şikle. Ul “Tөrek armiәse 24 mәrtәbә ütep kerde, әmma terror tuqtalmadı” dip belderde. Dөres şuşı xәrbi çaralar arqılı PKK hөcümnәre kimegәn, lәkin qabat qabınğan ide. Çөnki PKK-nıñ Avropa belәn narkotika transportınnan kilgәn finans çığanaqların yuqqa çığarmıyça tulı nәticәgә ireşüwe qıyın.



Ayruça AQŞ, Avropa Berlege hәm Tөnyaq Ğıyraqtağı Kөrd çitәkçelege Tөrkiәneñ xәrbi operatsiә yasawına qarşı. Bu turıda diplomatik tartış bara. Xәtta Mәskәw dә Tөrkiәne bu adımnı atlawdan saq bulırğa çaqırdı. Әmma xalıqtağı hәm Tөrek Qorallı Kөçlәrendәge qan basımı bik kütәrelde. Niçek bulıp betәçәgәn inde bәyrәmdәn soñ kürerbez.



Äxtäm İbrahim, İstanbul
XS
SM
MD
LG