Accessibility links

якшәмбе, 11 декабрь 2016, Казан вакыты 03:24

Tatar qorıltayına Tөrkiәdәn delegatlar saylandı


Bөtendөnya Tatar Kongresı 4-nçe qorıltayın Dikaberneñ 12-se belәn 16-sında ütkәrәçәk. Şunıñ өçen Başqarma komitetı rәise Rinat Zakirov cir şarına taralğan tatar içtimağıy oyışmalarınnan üz wәkillәren şuşı qorıltayğa cibәrülәren soradı. Tatarstan Respublikasınıñ Tөrkiә Respublikasındağı wәkalәtle wәkile Radik Gimatinov ta bu eşne oyıştıru өçen 9-nçı Uktәberdә Tөrkiәdәge Tatarlarnı iftar aşına çaqırıp, delegatlarnı bilgelәw eşen oyıştırdı. Ul “delegatlarnı bilgelәw eşen Tөrkiә Tatarlarınıñ liderı Prof. Nadir Dәwlәt alıp barsın” digәn tәqdim kertte. Şuşı tәqdim küpçelek tarafınnan xuplanğaç altı keşedәn torğan oyıştıru komitetı saylandı. Alar Tөrkiәdәge Tatar içtimağıy oyışmalarınıñ tәqdimnәren ike sәğattәn ozaqqa suzılğan mәslixәtlәşüdә tikşergәnnәn soñ qorıltayğa qatnaşaçaq 9 delegat belәn ber rezerv delegatnı bilgelәdelәr. Şuña kürә, İstanbuldan dürt, Ankara, Eskişehir, İzmir, Kütahya hәm Samsunnan berәr delegat Qazandağı qorıltayğa qatnaşaçaq.

Әxtәm İbrahim, İstanbul

XS
SM
MD
LG