Accessibility links

җомга, 9 декабрь 2016, Казан вакыты 06:59

Monopoliyağa qarşı köräş xeźmäte xaqtar menän köräşä


Başqortostan Xökümäte ergähendä yañı qomissiya töźölä. Ul aźıq – tülekkä xaqtarźı köyläü menän şöğöllänergä teyeş. Komissiyağa monopoliyağa qarşı köräş idaralığı, eske eştär ministrlığı, auıl xujalığı ministrlığı wäkildäre keretelä. Başqortostan Xökümäte ayırım tör rizıqtarğa xaqtarźı üźe bildäläy. Bıl isemlekkä inderelgän aźıq – tülekkä xaqtar artırğa teyeş tügel.

Ägär źä qullanıusılar baźarında ayırım eteştereüselär tege yäki bıl tör rizıqqa xaqtarźı arttıra qalha, ularźıñ eşmäkärlegen tap monopoliyağa qarşı köräş belgestäre tikşeräsäk. Älenän ük antimonopolistar tırışlığı menän Öfö ikmäk rizıqtarı häm Vosxod ikmäk beşereüselär berekmähenä qarata enäyät eşe quźğatılğan. Ular rizıqtarğa xaqtı samanan tış arttırıuźa ğäyeplänä. Yäy başında uq onğa xaqtı 28, ä ikmäkkä 60 protsentqasa arttırğandar. Täügehe -monopoliyağa qarşı köräş federal xeźmäteneñ Başqortostandağı idaralığınıñ iśkäreüźärenä qarşı ularźıñ üźźären mäxkämägä birä. Ä ikmäk zawodı üź tauarın bäläkäy mağazindarğa qıybatıraqqa hatıp, supermarkettarğa xaqtı üźgärtmägän. Monopoliyağa qarşı köräş idaralığı etäksehe Zölfirä Akbaşewa äyteüensä, bıl qonqurentsiya turahındağı qanundı boźou tigän hüź.

XS
SM
MD
LG