Accessibility links

чәршәмбе, 7 декабрь 2016, Казан вакыты 17:29

Tönyaq Azia: Bhuttonıñ kire qaytuı, Töbäk iminlegeñ köçländerä alır mı?


Paqstannıñ elekke premierı Benazir Bhutto''nıñ yözlägän meñ tarafdarı bügen Qaraçidä 8 yıllıq sörgennäñ qaytqan yulbağçıların qarşı aldı. Prezident häm xärbi başlıq wazifasın başqarğan Pärwäz Möşärräf belän yäşeren kileşü näticäsendä Bhuttoğa Paqıstanğa qaytır yullar açıldı. Anıñ ilgä qaytuı, ekstrism belän köräştä ni qadär faydalı bulır, bu turıda bez Bhutto häm belgeç süzlärennäñ añlarğa tırışırbız.

Qaraçidä qarşı alu tantanasına keşelär ber kön aldañ cıyıldı. Alar, 2 tapqır xökümät başlığı wazifasın başqarğan Benazirne, “Bhutto - Premyer Minister” dip sälämläde. Uramnarnı tutırğan xalıqnıñ sanı, xaqimiät tarafınnañ 250 meñ keşe buluın äytelsä dä, tataftarlar bu sannıñ ber niçä tapqırqa kübräk buluın däğwä itä.

İntixar höcümnärenä qarşı iminlek arttırıldı. Bhutto intixar höcüme yanawları qaramastan ilenä qayttı. Qaytır aldınnañ Dubaidä tuqtalğan çağında, Bhutto xäbärçelär aldınna yasağan çığışında, 1996da premierlek wazifasınnañ ayrılğannañ soñ başlağan xökümättäñ ayrı bulğan könnärne artta qaldırıp, ilenä häm säyäsätkä qaytuı demokratik çaralarnı köçländeräçägen ömet itkäneñ belderep süzlären bolay däwam itte.

“11 yıldañ soñ, minem kire qaytuım, Paqstan xalqı öçen diktatorlıqtañ demokratiägä, köçle basımnañ tınıçlıqqa taba qaytunıñ şatlıqlı ber xäbärçese”

Bhuttonıñ kire qaytuı, Äfğanstan çigenä yaqın könbatış Paqıstanda idaräne üz qullarında totqan Taliban häm äl Qaidä kebek törkemnärneñ tamırların qorıtu çaraları arttıraçaq digän farazlarğa iğtibar arttı.

Bhuttonıñ Liberal yaqlı Paqstan xalıq partiäse, üzäk xaqimiätkä qurqınıç tudırğan ekstremist dinçe törkemnärgä qarşı buluı belän tanıla. Bhutto, Ğinwarda bulaçaq saylawlarda xaqimiätkä kilgän oçraqta, Bin Ladinne ezläw öçen AQŞnıñ Paqıstanğa kerüenä röxsät itäçägenä işarä yasadı.

Kiçä Dubaidä yasağan çığışı isä, arta barğan ekstremismgä qarşı köräşäçäge süzeñ tağın ber qat köçländererlek däräcädä ide.

Paqstanıñ könbatışındağı, qabilä cirlärendä barğan bäreleşlär näticäsendä, ğaskär, ğadi xalıq häm suğışçılardañ yözlärçä keşe xälaq buldı. Köç qullanunıñ artuı Prezident Möşerräf häm 160 millionlıq Paqstan xalqı aldında iñ awır sınaw.

Paqstan töbäkläre belgeçe häm yazuçı bulğan Zahid Hösäyen, radiobızğa, Bhuttonıñ ekstremizm mäsälsenä iğtibar yünälderüe belän barlıq töbäklär faydasına bulaçaq di.

“Xäzergäçä, bilgele ber niçä mäsälädä Bhuttonıñ wazğiyäte bik açıq. Ul Hindistan belän mönäsäbätärne yaxşırtırğa tele, häm bu tınıçlıq çaralarıñ yaqliy. Ul şul uq waqıtta Äfğanstan xökümäte belän dä xezmättäşlekne arttırırğa teli. Tıştañ qarağan da, Bhuttonıñ qaytuı töbäk öçen faydalı bulaçaq sıman kürenä.”

Bhottonıñ 8 yıllıq sörgene, London häm Dubaidä uzdı. Läkin Möşärräf belän yasağanı soñgı kileşülärdäñ soñ, Bhutto häm anıñ İre xaqında yarlıqaw qararı çıqtı. Bhuttonıñ ire, korupsiä häm yalğış idarä itüdä ğayeplängän ide.
XS
SM
MD
LG