Accessibility links

җомга, 9 декабрь 2016, Казан вакыты 10:56

Mäsettär töźölä


Köyörgäźe rayonı üźäge Ermolaevola tarixta berense tapqır mäset töźölä. Bığa tiklem urıś atamahın yörötkän auılda mosolmandarğa yoma namaźına yörörgä urın bötönläy bulmağan. Mäsette xäyriä iśäbenä halalalar. Xujalıqtar köstärenän kilgänsä aqsa birä, rayonda maxsus fond buldırılğan, unda rayon xalqı aqsa küserä. Ber ışqıuar 14 meñ kirbes birgän. Ermalay mäsete oźaqlamay töźölöp bötäsäk. Tik ber mäsälä- unıñ manaraların, ä mäsetteñ manarahı ikäü bulasaq- şularźı kütäreü ösön oźon beläkle kran yuq. Köyörgäźe rayonında 84 auıl bar, ularźıñ 7-hendä genä mäset halınğan, Ermalayźağıhı 8-sehe bulasaq.

Äytkändäy, Baymaq qalahında sirkäüźe yandırıusını qulğa alğandar. Azatlıq radiohın tıñlausılarğa mäğlümder, sirkäüźe ber qayźa la eşlämägän Ämir atlı 36 yäşlek ir yandırğaynı. Töźölöş urınında bığa tiklem unıñ yorto häm şäxsi xujalığı urınlaşqan bula. 4 yıl elek Ämirgä urındağı eşqıuarźarźıñ berehe er uçastqahın qoram töźölöşö ösön hatıu täqdime menän sığa. Ul riza bula. Ämmä sirkäü halıusılar izge eştären yalğan menän başlap uğa wäğäźä itelgän 45 meñ rublde birmäy. Yorton hatqan Ämir yäşär urınhıź torop qala. Qanun mäsäläneñ bıl yağın qaramay. Uğa ut törtkän ösön 5 yılğa tiklem irkenän mäxrüm iteü yazahı yanay.

XS
SM
MD
LG