Başqortostan qanunsılarınıñ başlanğısı Mäskäüźä xuplau tapmanı. Däülät yıyılışı-Qoroltay töbäktär deputattarın qıźıqhındırğan mäğlümättärźe federal vlast organdarı birergä teyeş tip sıqqaynı. Qanun proektın Däülät Dumahı kire qaqqan. Yäğni töbäktäge xalıq haylanıusıhı federal üźäktän üź eşenä käräkle mäğlümät horap ala almay. Başqortostandan il parlamentındağı deputat Mixail Bugera äyteüensä, wäkälättärźe büleügä hıltanıp töbäktärźäge federal çinovniktar urındağı qanun sığarıusılarğa mäğlümät birmäy, mäxkämä sistemahı la üźäk mänfäğättären yaqlap sığa. Bıl ihä xalıq mänfäğättären yaqlau ösön haylanğan deputattıñ xalıq aldında abruyın qaqşata tigän fekerźä respublika qoroltayı ağzaları. İl buyınsa äle ber million yarım çinovnik bulha, şularźıñ yartıhı töbäktärźä ultıra.
B.fatqullin, öfö
