Accessibility links

якшәмбе, 11 декабрь 2016, Казан вакыты 16:46

Bhuttoğa yasalğan höcüm koalitsiäne yuqqa çığara, saylawlarnı kiçekterä ala


Paqstan Prezidentı Pärwäz Möşärräf, kiçä tönnä Qaraçidä, 130dan artıq keşeneñ ülemenä kitergän intixar höcümenä qarşı üz näfräten belderep, anı Demokratiägä qarşı ber çara dip atadı. Höcüm, İldä xärbi idaräne beterep, ekstremizmğa qarşı köräşne maqsat quyğan, Bänazir Bhuttoğa qarşı yünälderelgän ide. 2 bomba, Bhuttonı qarşı alğan maşina konvoyında buldı.

Bu, jurnalistlärneñ, Qaraçidä Bänazir Bhuttonıñ watanına qaytu waqıyğası turıdañ turı efirgä birä torğan çağında şartlağan bomba tawışları ide. Bu şartlaw şokınnañ ber niçä sekund da uzmadı, ikençe ber şartlaw Bhutto häm partiä wäkilläre bulğan avtobus yanında da şartladı.

Şartlawlar näticäsendä, kimendä 133 keşe hälaq buldı. Ülgännär eçendä, Bhutto sörgendä waqıtında, Paqıstan Xalıq Partiäse citäkçelegen başqarğan wäkillär dä bulğan diyelä.

Bhutto bu waqiyğadan zarar kürmiçä isän qaldı. İminlek saqçıları Bhuttonı, xaos alanınnañ alıp, yäşägän yortına ozattılar.

Şartlaw waqıtında Bhutto belän ber avtobusta bulğan, Partiä wäkillärennäñ Fawziä Wahab, waqıyğanı bolay añlattı:

"Berençe şartlaw bulğan waqıtta min avtobus östendä idem. Bhutto arğan bulğanga ul kitep qaldı. Ul waqıtta ul bütän maşina eçendä ide. Bez başta elektrik köç stantsiälärennäñ berse şartladı yäisä qısqa yalğanış buldı dip uyladıq. Başta bombadır dip başqa kilmäde. Min närsä bula dip sorağanda, aftobus yanda ikençe şartlawnı kürdem. İkençe şartlawnı kürgän dä bez xälneñ citde bulğanıñ añlap aldıq."

Paqstan Elemtä ministrı, Tariq Azim Xan, waqiyğadañ soñ xalıqara matbuğat çaralarına, Bu, ekstremistlärneñ, Bhuttonı ütere belän qurqutu maqsatında yasalğan ber höcüme ide dip añlattı.

Bhutto bügen ğomum matbuğat çaraları aldında yasağan çığışında:

“Bu, Paqstan xalqı tarafınnañ yaqlanmağan, azçılıqtağı - qorallı suğışçılar tarafınnañ oyıştırılğan ber höcüm. Alar xärbi diktatorlıqtan ğına yäm taba.”

Bhutto, bügen irtä waqıyğalardañ soñ Fransuz jurnalına bergän berençe äñgemäsendä dä, üzene üterü maqsatında, bu höcemne kemneñ oyıştıruın beleün äytkän ide. Ul bu höcümdä, fanatik häm ekstrizm belän tanılğan, elekke General Zian rejime tarafdarlarıñ ğayepläde. Bhutto, Paqstan, iminlek xezmätläre eşlärendä äledä bar bulğan bu keşelädäñ arındırılırğa tiyeş dide.

Zia, Bhuttonıñ ätise Premier Zulfikar Ali Bhutto xökümäten 1997nçe yılda cimergän häm ike yıldañ soñ anı asıp ütertkän ide.

Bhuttonıñ elekke kiñäşçese, Xösäyen Xaqqani, ägär dä döres tikşerenü oyıştırılsa, wazğiyätneñ ni bulğanı açıqlanır dide. Läkin tiyeşle tikşerü bulır mı monısı ikele dip östäde Haqqani. Xökümät tä’min itkän iminliktä bulğan citeşsezlek, iminlik köçläreneñ bu facigädä qatnaşuı ixtimalına da işarä itä ala dide Haqqani.

Paqstanlı ber jurnalist, Ahmäd Räşed isä, radiobızğa, Paqstan eçendä, berbersenä qarşı buğan törkemnär arta dide. Bhuttoğa qarşı bulğannar barı tik ekstrimist yäisä fanatik törkemnär genä tügel, Bu faciğa säbäble, Paqstandağı parlament saylawlarınıñ kiçekterelü ixtimal dip belderde jurnalist Ahmäd Räşed.
XS
SM
MD
LG